قانات بوزىمبايەۆ الاتاۋعا بىلىكتى كادرلاردى تارتۋ جوسپارىن ايتتى

— «جايلى مەكتەپ» ۇلتتىق جوباسى اياسىندا الاتاۋ قالاسىنىڭ قويانقۇس شاعىن اۋدانىندا 900 ورىندىق جاڭا جالپى ءبىلىم بەرەتىن مەكتەپ پايدالانۋعا بەرىلدى. «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى بويىنشا الاتاۋ قالاسىندا ەكى فەلدشەرلىك-اكۋشەرلىك پۋنكت اشىلدى: 2025 -جىلى ەڭبەك شاعىن اۋدانىندا، 2026 -جىلعى ساۋىردە جاڭاارنا شاعىن اۋدانىندا، — دەدى ۆيتسە-پرەمەر.

ونىڭ ايتۋىنشا، الاتاۋدىڭ قالا مارتەبەسىن الۋىنا بايلانىستى كادرلاردى قولداۋ ءۇشىن «ديپلوممەن اۋىلعا» باعدارلاماسى بويىنشا ەكى جىلدىق وتپەلى كەزەڭ بەلگىلەندى. بۇل بيۋدجەت سالاسىنىڭ قىزمەتكەرلەرى ءۇشىن 25 پايىزدىق ۇستەماقىنى ساقتاۋعا مۇمكىندىك بەرەدى.

— الداعى ۋاقىتتا الاتاۋ قالاسىنا بىلىكتى كادرلاردى تارتۋ جانە ولاردى ۇزاق مەرزىمگە ورنىقتىرۋ ءۇشىن ءومىر ءسۇرۋ ساپاسىن ارتتىرۋ، قالالىق ورتانى دامىتۋ جانە قولايلى جاعدايلار جاساۋ جونىندە جۇيەلى شارالار قابىلدانادى، — دەدى قانات بوزىمبايەۆ.

ايتا كەتەيىك، الاتاۋ قالاسىن دامىتۋعا باعىتتالعان ءۇش ستراتەگيالىق قۇجات 2026 -جىلدىڭ سوڭىنا دەيىن بەكىتىلمەك.

بۇعان دەيىن قۇرىلتاي دەپۋتاتى الاتاۋ قالاسى تۇرعىندارىنىڭ باستى پروبلەمالارىن اتاعان ەدى.

سونىمەن قاتار قالا مەكتەپتەرىنىڭ بىرىندە قوزعالىستى جانە جابدىقتاردىڭ جاي-كۇيىن باقىلايتىن جۇيە سىناقتان ءوتىپ جاتىر.