ق ر پرەزيدەنتى، كورول فيليپپ جانە پاتشايىم ماتيلدا رەكتورلار فورۋمىنا قاتىستى

«ءبىلىم بەرۋ مەن عىلىمي زەرتتەۋلەرگە جاساندى ينتەللەكتىنىڭ اسەرى» تاقىرىبىن ارقاۋ ەتكەن جيىن ينتەراكتيۆتى پىكىرتالاس فورماتىندا ۇيىمداستىرىلدى.

پىكىرتالاسقا قاتىسۋشىلار جاساندى ينتەللەكت تەحنولوگيالارى جوعارى ءبىلىم مەن زاماناۋي عىلىم سالاسىنا قانداي وزگەرىس اكەلەتىنىن ەگجەي- تەگجەيلى تالقىلادى.

اتاپ ايتقاندا، قازاقستاننىڭ ەۋروپا مەن ازيا اراسىنداعى ايماقتىق حاب، سونداي-اق ءبىلىم بەرۋ، زەرتتەۋلەر جانە يننوۆاتسيالار باعىتىنداعى ىنتىماقتاستىققا ارنالعان ستراتەگيالىق الاڭ رەتىندەگى ءرولى قاراستىرىلدى.

اكادەميالىق، سونداي-اق ءبىلىم بەرۋ ورتاسىندا جاساندى ينتەللەكت پەن وقۋ ماشيناسىن پايدالانۋعا، وقۋ جانە وقىتۋ ۇدەرىستەرىندەگى جاڭا تەحنولوگيانىڭ ىقپالىنا باسا نازار اۋدارىلدى.

فورۋم اياسىندا قازاقستان مەن بەلگيا جوعارى وقۋ ورىندارى سەرىكتەستىگىن كەڭەيتۋ، بىرلەسكەن ءبىلىم بەرۋ ءارى زەرتتەۋ باستامالارىن ىسكە قوسۋ، اكادەميالىق ۇتقىرلىقتى دامىتۋ جانە جوعارى مەكتەپتەگى سيفرلىق ترانسفورماتسيا سالالارىندا تاجىريبە الماسۋ ماسەلەلەرى پىسىقتالدى.

ءىس-شارا قورىتىندىسى بويىنشا ەكى ەل ۋنيۆەرسيتەتتەرى اراسىندا ءبىرقاتار كەلىسىم مەن مەموراندۋمعا قول قويىلدى.

وسىعان دەيىن توقايەۆ پەن كورول فيليپپ قازاقستان-بەلگيا ىسكەرلىك كەڭەسىنىڭ ءتورتىنشى وتىرىسىنا قاتىستى.