ق ر پرەزيدەنتىنىڭ تەلەراديوكەشەنى ۇجىمى «تازا قازاقستان» ەكولوگيالىق اكسياسىنا قاتىستى
استانا. KAZINFORM - استانادا قازاقستان رەسپۋبليكاسى پرەزيدەنتىنىڭ تەلەراديوكەشەنى ۇجىمى «تازا قازاقستان» ەكولوگيالىق اكسياسىنا قاتىستى.
ايتا كەتەيىك، ءساۋىر ايىنىڭ باسىندا مەملەكەت باسشىسىنىڭ تاپسىرماسىمەن رەسپۋبليكا بويىنشا «تازا قازاقستان» ەكولوگيالىق اكسياسى باستالدى. ناۋقان بەس اپتاعا سوزىلادى. ءار اپتانىڭ وزىندىك اتاۋى مەن ناقتى ماقساتى بار. وسى اپتاعا «كيەلى مەكەن» اتاۋى بەرىلدى. بۇل كۇندەرى تاريحي- مادەني ەسكەرتكىشتەر اۋماعىن اباتتاندىرۋ جۇمىستارى ىسكە اسىرىلىپ جاتىر.
باستاپقى جەتى كۇن ىشىندە ەلدى مەكەندەردىڭ تۇرعىندارى، قوعام بەلسەندىلەرى، ۇيىمدار مەن كاسىپورىنداردىڭ قىزمەتكەرلەرى ىرگەلەس اۋماقتار مەن بەلگىلەنگەن اۋلالاردى تازالادى.
وسى تۇرعىدا قازاقستان رەسپۋبليكاسى پرەزيدەنتىنىڭ تەلەراديوكەشەنى ۇجىمى سەنبىلىك كەزىندە «ءابۋ-دابي پلازا» مەن بوتانيكالىق باق اراسىنداعى 14 گەكتارعا سوزىلعان ساياباقتىڭ اۋماعىن تازالادى. وسى ساياباقتان 250-دەن استام قاپ قوقىس شىعارىلدى.
«ق ر پرەزيدەنتى تەلەراديوكەشەنىنىڭ ۇجىمى ەلىمىزدىڭ الەۋمەتتىك سالاداعى باستامالارىنا بەلسەندى تۇردە قاتىسىپ كەلەدى. ءبىز قالامىزدى جاقسى كورەمىز جانە تازالىق پەن تارتىپكە ۇلەس قوسۋعا تىرىسامىز. بۇگىن ساياباقتى تازالاۋعا اتسالىستىق. الداعى ۋاقىتتا قالادا 100 دەن استام كوشەت وتىرعىزۋدى جوسپارلاپ وتىرمىز. ەلوردادا ق ر پرەزيدەنتىنىڭ تەلەراديوكەشەنى اللەياسى بار ونىڭ كۇتىمىنە قاراپ ءجۇرمىز. ويتكەنى، «تازا قازاقستان» - ول تەك سەنبىلىكتەر عانا ەمەس، مەملەكەت باسشىسى جاريالاعان جاڭا ەكولوگيالىق مادەنيەت»، - دەدى قازاقستان رەسپۋبليكاسى پرەزيدەنتىنىڭ تەلەراديوكەشەنى ديرەكتورى راۋشان قاجىبايەۆا.
ەسكە سالساق، «تازا قازاقستان» اياسىندا 27- ساۋىرگە دەيىنگى ءۇشىنشى اپتاعا «جاسىل ايماق» تاقىرىبى قويىلدى. بۇل اپتالىقتا كوشەتتەر وتىرعىزىلادى جانە اعاشتار اكتەلەدى. «ونەگەلى ۇرپاق» دەپ اتالعان كەلەسى اپتالىق 4- مامىرعا دەيىن جالعاسادى. ايتىلعان كۇندەرى ارداگەرلەر مەن قارتتاردىڭ اۋلالارىنا تازالىق جۇرگىزىلىپ، ولاردى اباتتاندىرۋعا كومەك بەرىلەدى. «ءمولدىر بۇلاق» اتاۋى بەرىلگەن سوڭعى، بەسىنشى اپتادا سۋ ايدىندارى - وزەندەر مەن كولدەردىڭ اينالاسى قوقىستان تازارتىلادى.
بۇگىن ەكولوگيالىق ناۋقان اياسىندا استانادا ەسكەرتكىشتەر مەن ولاردىڭ ماڭايىندا اۋقىمدى سەنبىلىك ءوتىپ جاتىر. بۇل رەتتە، مادەني مۇرا نىساندارىنىڭ، ەسكەرتكىشتەردىڭ جانە ولارعا ىرگەلەس اۋماقتاردىڭ قاسبەتتەرىن رەتكە كەلتىرۋ جۇمىستارى ىسكە اسىرىلىپ وتىر. اكسيانى بەلسەندى تۇرعىندار، مادەنيەت قايراتكەرلەرى، سپورتشىلار، قوعامدىق جانە ۇكىمەتتىك ەمەس ۇيىمدار، ەرىكتىلەر، وقۋشىلار مەن ستۋدەنتتەر، ءماسليحات دەپۋتاتتارى، اۋعان سوعىسىنىڭ ارداگەرلەرى، مەملەكەتتىك مەكەمەلەردىڭ قىزمەتكەرلەرى جانە باسقالار قولدادى. استانادا 117 ەسكەرتكىش بولسا، ونىڭ 46 سى مەملەكەت قورعاۋىنا الىنعان.
ق ر پرەزيدەنتىنىڭ تەلەراديوكەشەنى قازاقستانداعى ەڭ ءىرى مەديا- كومپانيالاردىڭ ءبىرى سانالادى. ونىڭ قۇرامىنا Jibek Joly, Silk Way, Silk Way Cinema تەلەارنالارى، «قازاقپارات» حالىقارالىق اقپارات اگەنتتىگى جانە دەرەكتى فيلمدەر ورتالىعى كىرەدى.
اۆتور
رۋسلان عابباسوۆ
