ق ر پرەزيدەنتى اقىن نەسىپبەك ايت ۇلىنىڭ وتباسىنا كوڭىل ايتتى

مەملەكەت باسشىسى اقىن نەسىپبەك ايت ۇلىنىڭ وتباسى مەن جاقىن تۋىستارىنا كوڭىل ايتۋ جەدەلحاتىن جولدادى. Кazinform بۇل تۋرالى اقورداعا سىلتەمە جاساپ حابارلادى.

قاسىم- جومارت توقايەۆ كورنەكتى اقىن، مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى نەسىپبەك ايت ۇلىنىڭ دۇنيەدەن وتۋىنە بايلانىستى وتباسى مەن جاقىن تۋىستارىنا كوڭىل ايتتى.

«نەسىپبەك ايت ۇلى ۇلتتىق ونەرىمىز بەن مادەنيەتىمىزدى وركەندەتۋگە سۇبەلى ۇلەس قوسىپ، رۋحانيات سالاسىنىڭ العا باسۋىنا كۇش- قايرات جۇمسادى. قازاقستان تاۋەلسىزدىگىنىڭ جىرشىسىنا اينالعان اقىننىڭ تارتىمدى تۋىندىلارى وقىرماندار تاراپىنان جوعارى باعاسىن الدى. ونەگەلى عۇمىر كەشىپ، سوڭىنا مول ادەبي- مادەني مۇرا قالدىرعان نەسىپبەك ايت ۇلىنىڭ جارقىن بەينەسى ۇمىتىلمايدى. مارقۇمنىڭ يمانى سالامات، جانى ءجانناتتا بولسىن»، - دەپ جازىلعان جەدەلحاتتا.

بۇعان دەيىن حابارلاعانىمىزداي، بۇگىن بەلگىلى اقىن نەسىپبەك ايت ۇلى 73 جاسىندا دۇنيەدەن ءوتتى.

اۆتور

گۇلميرا الياكپاروۆا