ق ر ەنەرگەتيكا مينيسترلىگى مەن Huawei مەموراندۋمعا قول قويدى
قازاقستان رەسپۋبليكاسىنىڭ ەنەرگەتيكا مينيسترلىگى مەن Huawei Technologies Kazakhstan كومپانياسى سيفرلىق ەنەرگەتيكا سالاسىنداعى ىنتىماقتاستىقتى دامىتۋعا باعىتتالعان ءوزارا تۇسىنىستىك تۋرالى مەموراندۋمعا قول قويدى، دەپ حابارلايدى Kazinform.
سارسەنبى كۇنى استانادا ق ر ەنەرگەتيكا ۆيتسە- ءمينيسترى ءىلياس باقىتجان مەن Huawei Technologies Kazakhstan باس ديرەكتورى جاۋ سيۋي اتالمىش قۇجاتقا قول قويدى.
قول قويىلعان مەموراندۋم تسيفرلىق ەنەرگەتيكا سالاسىنداعى بىرلەسكەن يننوۆاتسيالىق جوبالاردى ىسكە اسىرۋعا، قازاقستان رەسپۋبليكاسىنىڭ ءبىرىڭعاي ەنەرگوجۇيەسىنىڭ عىلىمي- تەحنيكالىق جانە وندىرىستىك الەۋەتىن نىعايتۋعا باعىتتالعان ىنتىماقتاستىقتى كوزدەيدى. ىنتىماقتاستىق سونىمەن قاتار ينتەللەكتۋالدى جەلى شەشىمدەرىن جاڭارتۋدى، تۇراقتى ەنەرگەتيكالىق ينفراقۇرىلىم مەحانيزمدەرىن ينتەگراتسيالاۋدى جانە ەنەرگيانى باسقارۋ پروتسەستەرىن جالپى وڭتايلاندىرۋدى جەدەلدەتەدى دەپ كۇتىلۋدە.
«بۇگىن ق ر ەنەرگەتيكا مينيسترلىگىنىڭ الدىندا ەنەرگەتيكا سەكتورىن سيفرلاندىرۋ جانە وڭتايلاندىرۋ بويىنشا ماڭىزدى مىندەت تۇر. Huawei كومپانياسىمەن قول قويىلعان ءوزارا تۇسىنىستىك تۋرالى مەموراندۋم يننوۆاتسيالىق شەشىمدەردى زەردەلەۋگە، وزىق تاجىريبەمەن الماسۋعا جانە ەنەرگەتيكا سەكتورىنداعى تەگەۋرىندى ماسەلەلەردى شەشۋ ماقساتىندا ەڭ زاماناۋي تەحنولوگيالاردى ەنگىزۋگە باعىتتالعان»، - دەپ اتاپ ءوتتى ق ر ەنەرگەتيكا ۆيتسە- ءمينيسترى ءىلياس باقىتجان. — «بۇل ىنتىماقتاستىقتىڭ ناتيجەسىندە ءبىز ەنەرگەتيكالىق رەسۋرستارىمىزدى وڭتايلاندىرۋدا، پايدالانۋ شىعىندارىن تومەندەتۋدە جانە قازاقستاننىڭ ەنەرگەتيكالىق ينفراقۇرىلىمىنىڭ جالپى تۇراقتىلىعىن ارتتىرۋدا ايتارلىقتاي تابىسقا جەتۋدى جوسپارلاپ وتىرمىز».
سونىمەن قاتار، مەموراندۋم رەتتەۋشى اكتىلەردى جەتىلدىرۋگە جانە حالىقارالىق ساراپتاما مەن سيفرلىق ەنەرگەتيكا سالاسىنداعى ۇزدىك تاجىريبە نەگىزىندە ەنەرگوجۇيەنى باسقارۋ سالاسىنداعى حالىقارالىق ستاندارتتاردى ۇيلەستىرۋگە العىشارتتار جاسايدى. اتالعان ءتاسىل قازاقستاننىڭ جاڭا بۋىننىڭ ەنەرگەتيكالىق شەشىمدەرىن قابىلداۋ جانە ەنگىزۋ سالاسىنداعى كوشباسشىلاردىڭ ءبىرى رەتىندە ءوزىن تانىتۋىنا نەگىز بولادى.
Huawei كومپانياسىمەن ىنتىماقتاستىق سونىمەن قاتار ادامي كاپيتال دەڭگەيىن دامىتۋعا، سالاداعى كادرلاردىڭ كاسىبي دەڭگەيىن، جوعارى وقۋ ورىندارىنىڭ عىلىمي الەۋەتىن، سيفرلىق ەنەرگەتيكا سالاسىنداعى ءبىلىمدى ارتتىرۋعا جانە ازاماتتاردىڭ سيفرلىق داعدىلارىن يگەرۋگە باعىتتالعان بىرلەسكەن عىلىمي-زەرتتەۋ جانە ءبىلىم بەرۋ جوبالارىن ىسكە اسىرۋعا ىقپال ەتەتىن بولادى. تەحنولوگيالار مەن يننوۆاتسيالار سالاسىنداعى الەمدىك كوشباسشى بولىپ تابىلاتىن Huawei كومپانياسى دا وزىق شەشىمدەردى، «جاسىل» ەنەرگەتيكانى دامىتۋ مەن قولداۋدا بۇرىن-سوڭدى بولماعان تاجىريبەنى ۇسىنۋعا دايىن.
«ىنتىماقتاستىق تۋرالى كەلىسىم يننوۆاتسيالارعا، ادامي كاپيتالدى دامىتۋعا، رەتتەۋدى جەتىلدىرۋگە جانە ەكونوميكالىق باسەكەگە قابىلەتتىلىككە باسا نازار اۋدارا وتىرىپ، ەلدىڭ ەنەرگەتيكالىق سەكتورىن جاڭعىرتۋعا باعىتتالعان. ق ر ەنەرگەتيكا مينيسترلىگى قازاقستاننىڭ ەنەرگەتيكالىق سەكتورىن ساپالى قايتا قۇرۋ جانە «جاسىل» تەحنولوگيالاردى ەنگىزۋ باعىتىندا جۇمىس ىستەپ جاتىر، جانە بۇل رەتتە Huawei كومپانياسى ەلدىڭ ەنەرگەتيكالىق سەكتورىن تسيفرلىق ترانسفورماتسيالاۋعا ءوز ۇلەسىن قوسۋعا دايىن. بۇل ارىپتەستىك قازاقستاننىڭ نەعۇرلىم ورنىقتى، تەحنولوگيالىق دامىعان جانە تسيفرلىق مۇمكىندىكتەرمەن جاراقتاندىرىلعان ەنەرگەتيكالىق بولاشاعىن قالىپتاستىرۋعا باعىتتالعان مۇمكىندىكتەردىڭ جاڭا ءداۋىرىن بىلدىرەدى»، - دەپ اتاپ ءوتتى Huawei Technologies Kazakhstan باس ديرەكتورىنىڭ ورىنباسارى فاريدا تولەۋبايەۆا.
قازاقستان رەسپۋبليكاسىنىڭ ەنەرگەتيكا مينيسترلىگى مەن Huawei كومپانياسى اراسىنداعى ءوزارا ىنتىماقتاستىق تۋرالى مەموراندۋمعا قول قويۋ ەنەرگەتيكا سەكتورىنداعى وڭ وزگەرىستەردى ىنتالاندىرۋ ءۇشىن تەحنولوگيالاردىڭ مۇمكىندىكتەرىن پايدالانۋ جولىنداعى ەلەۋلى قادامدى بىلدىرەدى. جوعارى تەحنولوگيالىق شەشىمدەر مەن قۇرالداردى ەنگىزۋ يننوۆاتسيالارعا، ەكولوگيالىق تۇراقتىلىققا جانە ەلدىڭ ەكونوميكالىق دامۋىنا ىقپال ەتە وتىرىپ، قازاقستاننىڭ ەنەرگەتيكالىق لاندشافتىنا ۇزاق مەرزىمدى اسەر ەتەدى.
اۆتور
ەربول جانات
