ق ر د س م اقمولاداعى جول اپاتىنان زارداپ شەككەندەر تۋرالى اقپارات بەردى
استانا. KAZINFORM - استانا-چۋچە تاس جولىنداعى جاپپاي اپاتتان كەيىن 9 ادام ەمدەۋگە جاتقىزىلدى. بۇل تۋرالى ق ر دەنساۋلىق ساقتاۋ مينيسترلىگى باياندادى.
زارداپ شەككەندەر ءۇش اۋرۋحاناعا - اقكول، بۇلاندى اۋداندىق اۋرۋحانالارىنا جانە اۆيتسەننا ج ش س- عا ەمدەۋگە جاتقىزىلدى.
- ۇلتتىق شۇعىل مەديتسينا ۇيلەستىرۋ ورتالىعى مەن استانا جانە اقمولا دەنساۋلىق ساقتاۋ باسقارماسىنىڭ دەرەكتەرى بويىنشا مەديتسينالىق كومەككە 20 ادام، 18 جاسقا دەيىنگى 8 بالا جۇگىندى. 9 ادام ەمدەۋگە جاتقىزىلدى، ونىڭ ىشىندە 1 بالا جانە 11 ادام تۇرعىلىقتى جەرى بويىنشا امبۋلاتوريالىق ەمدەلۋگە جىبەرىلدى، - دەپ جازىلعان مينيسترلىك جاۋابىندا.
بارلىق زارداپ شەككەندەرگە سوعىلۋ جانە سۇيەك سىنىعى دياگنوزى قويىلدى. زارداپ شەككەندەردىڭ جاعدايى ورتاشا اۋىرلىق دارەجەسىندە دەپ باعالانادى. بارلىعىنا تولىق كولەمدە قاجەتتى كومەك كورسەتىلىپ جاتىر.
بۇعان دەيىن «استانا-چۋچە» تاس جولىندا جاپپاي كولىك اپاتى بولعانى حابارلانعان ەدى.
ايجان سەرىكجان قىزى
اۆتور
