ق ح ر جوعارعى زاڭ شىعارۋشى ورگانىنىڭ سەسسياسى 5- ناۋرىزدا اشىلادى
استانا. قازاقپارات - 2025 -جىلدىڭ 5 - ناۋرىزىندا بەيجىڭدە 14-شاقىرىلىمداعى بۇكىل قىتايلىق حالىق وكىلدەرى جينالىسىنىڭ ءۇشىنشى سەسسياسى جۇمىسىن باستايدى، دەپ حابارلايدى Kazinform مەنشىكتى ءتىلشىسى.
وسى اپتادا «ەكى سەسسيا» - بۇكىل قىتايلىق حالىق وكىلدەرىنىڭ وتىرىسى جانە قىتاي حالىقتىق ساياسي كونسۋلتاتيۆتىك كەڭەسىنىڭ (ق ح س ك ك) وتىرىستارى باستالادى.
4 -ناۋرىزدا بەيجىڭدە قىتاي حالىقتىق ساياسي كونسۋلتاتيۆتىك كەڭەسىنىڭ 14- شاقىرىلىمى جالپى قىتايلىق كوميتەتىنىڭ 3- سەسسياسى اشىلادى. پارلامەنتتىڭ اعىمداعى سەسسياسىنىڭ كۇن تارتىبىندە ۇكىمەتتىڭ 2024 -جىلعا ارنالعان جۇمىسى تۋرالى ەسەبىن جانە 2025 -جىلعا ارنالعان الەۋمەتتىك- ەكونوميكالىق دامۋ جوسپارىنىڭ جوبالارىن، ورتالىق جانە جەرگىلىكتى بيۋدجەتتەردىڭ وتكەن جىلعا ارنالعان مەن ولاردىڭ اعىمداعى جىلعا ارنالعان جوبالارىن تىڭداۋ جانە قاراۋ بار.
ەسكە سالا كەتسەك، 2024 -جىلدىڭ سوڭىنا قاراي قىتايدىڭ جالپى ىشكى ءونىمى 130 تريلليون يۋاننان (18 تريلليون دوللاردان استام) استى. 2025 -جىل - 14-بەسجىلدىقتىڭ (2021-2025) قورىتىندى جىلى جانە 15- بەسجىلدىقتىڭ كەلەسى كەزەڭىنىڭ مىندەتتەرىن قالىپتاستىرۋ. بيىل سونداي-اق «قىتايدا جاسالعان 2025» باعدارلاماسىنىڭ قورىتىندىسىن شىعاراتىن جىل. سەسسيا بارىسىندا سونىمەن قاتار ق ح ر جوعارعى سوتىنىڭ ءتوراعاسى مەن ق ح ر جوعارعى حالىق پروكۋراتۋراسىنىڭ باس پروكۋرورى بايانداما جاسايدى.
سەسسيا ءبىر اپتاعا سوزىلىپ، 11 -ناۋرىزدا اياقتالادى دەپ كۇتىلىپ وتىر.
بۇكىل قىتايلىق حالىق وكىلدەرى جينالىسى سەيسەنبى كۇنى باسپا ءسوز ءماسليحاتىن وتكىزەدى، وندا ق ح س ك ك 14- شاقىرىلىمى ءۇشىنشى سەسسياسىنىڭ باسپا ءسوز حاتشىسى سەسسيانىڭ كۇن ءتارتىبى مەن جۇمىسىنا قاتىستى سۇراقتارعا جاۋاپ بەرەدى.
اعىمداعى سەسسيانىڭ تاقىرىپتارى ەكونوميكالىق دامۋ، سىرتقى جانە قورعانىس ساياساتى ماسەلەلەرىنە ارنالىپ وتىر.
وسىعان دەيىن قىتاي شەتەل كومپانيالارىنا تەلەكوممۋنيكاتسيالىق قىزمەتتەرگە سىناق ەسەبىندە قول جەتكىزۋگە رۇقسات بەرگەنى ءمالىم بولدى.
اۆتور
زارينا تۋعانبايەۆا
