نيۋ-يوركتەگى ماتەماتيكا پانىنەن وليمپيادا: قازاقستاندىق وقۋشىلار توپ جاردى
استانا. KAZINFORM - قازاقستاندىق وقۋشىلار نيۋ-يوركتە وتكەن بەدەلدى كوپەرنيك حالىقارالىق ماتەماتيكا وليمپياداسىندا 29 مەدال جەڭىپ الدى.
نيۋ- يوركتەگى كولۋمبيا ۋنيۆەرسيتەتىندە وتكەن جارىسقا 50-دەن استام ەل قاتىستى.
قازاقستاندىق وقۋشىلار وليمپيادادا 29 مەدال جەڭىپ الىپ، ەرەكشە جەتىستىك كورسەتتى: 2 التىن، 11 كۇمىس جانە 16 قولا.
قازاقستان قۇراماسى وكىلدەرىنىڭ ءبىرى - نيۋ- يوركتە كۇمىس جۇلدەگەر اتانعان تاراز قالاسىنداعى №53 مەكتەپتىڭ 4-سىنىپ وقۋشىسى قالاباي ابىلاي. ول امەريكا وليمپياداسىنىڭ جوعارى دەڭگەيدە وتكەنىن، ەل ابىرويىن اسقاقتاتۋ ءۇشىن الداعى ۋاقىتتا دا وسىنداي حالىقارالىق جارىستارعا قاتىسۋدى جوسپارلاپ وتىرعانىن ايتتى.
ابىلايدىڭ اناسى جانسايا راحمانقۇلوۆا بۇل ۇلىنىڭ ا ق ش- قا العاشقى ساپارى ەكەنىن ايتتى. ابىلاي شاحماتقا، استرونومياعا، روبوتوتەحنيكاعا قىزىعۋشىلىق تانىتقانىمەن، ماتەماتيكاعا بالا كەزىنەن قۇمار. ابىلاي - قازاقستانداعى بارلىق وليمپيادالاردىڭ ءبىرىنشى ورىن يەگەرى. اناسى ۇلىنىڭ حالىقارالىق وليمپياداداعى جەتىستىكتەرىن جانە قازاقستاننىڭ بەدەلىن ارتتىرۋعا قوسقان ۇلەسىن ماقتان تۇتادى.
وليمپيادانىڭ كۇمىس جۇلدەگەرى اسقار ءالماقتۇم تاراز قالاسىنداعى فيزيكا-ماتەماتيكا باعىتىنداعى ن ز م 8-سىنىپ وقۋشىسى.
قازاقستان رەسپۋبليكاسىنىڭ ا ق ش- تاعى ديپلوماتيالىق مەكەمەلەرى وقۋشىلارعا قولداۋ كورسەتكەن ۇستازدار مەن اتا- انالارعا العىستارىن ءبىلدىردى.
- قىمباتتى ستۋدەنتتەر، عىلىمنىڭ قىزىق الەمىن تانىپ- بىلۋدە الداعى جۇمىستارىڭىزعا ساتتىلىك تىلەيمىز! - دەدى قازاقستان رەسپۋبليكاسىنىڭ نيۋ- يوركتەگى باس كونسۋلدىعىنىڭ Facebook-تەگى پاراقشاسىندا.
ماتەماتيكالىق وليمپيادا اتاقتى استرونوم جانە ماتەماتيك نيكولاي كوپەرنيكتىڭ ەسىمىمەن اتالادى. وقۋشىلاردىڭ ماتەماتيكاعا دەگەن قىزىعۋشىلىعىن، بىلىكتىلىگىن ارتتىرۋعا باعىتتالعان. كوپەرنيك وليمپياداسى قاتىسۋشىلاردى ماتەماتيكالىق تەوريانىڭ تەرەڭدىگىن زەرتتەۋگە، ەسەپتەردى شەشۋگە جانە شىعارماشىلىق ويلاۋعا شاقىرادى.
اۆتور
ەركەجان سماعۇلوۆا
