نيۋ- يوركتەگى ءسان كورسەتىلىمىندە قازاقى ناقىشتاعى كيىم ۇلگىلەرى تانىستىرىلدى
استانا. KAZINFORM - قازاق ديزاينەرى انەليا ءالىم «New York Fashion Week-2024» حالىقارالىق ءسان كورمەسىنە ۇلتتىق ديزاينداعى ونىمدەرىن ۇسىندى.
نيۋ- يورك قالاسىنداعى «Leman Ballroom» زالىندا «New York Fashion Week-2024» حالىقارالىق ءسان كورسەتىلىمىنىڭ 16-ماۋسىمى اشىلۋىندا قازاقستاندىق ديزاينەردىڭ ۇلتتىق ءسان ۇلگىلەرى ۇسىنىلىپ، ءىس-شارادا قازاقستاننىڭ ءانۇرانى شىرقالدى.
تانىمال ديزاينەرلەر مەن ءسان الەمىنىڭ وكىلدەرى قاتىساتىن ءىس-شارادا ا ق ش- تا تۇرىپ جاتقان قازاق ديزاينەرى، كاسىپكەر انەليا ءالىم ۇلتتىق ناقىشتاعى توپتاما ۇسىندى.
ال كاسىبي ەسترادا-دجاز ءانشىسى گۇلزار عابدراحمان قازاقستاننىڭ ءانۇرانىن شىرقادى.
نيۋ-يورك- تەگى ءسان كورسەتىلىمىندە قازاقى ناقىشتاعى كيىم ۇلگىلەرى تانىستىرىلدى
«ۇيىمداستىرۋشىلار «New York, New York» ءانى مەن ەلىمىزدىڭ ءانۇرانىن ورىنداۋىمدى سۇراپ، ارنايى شاقىرتۋ جىبەردى. ازۋىن ايعا بىلەگەن ا ق ش-تا، نيۋ-يورك قالاسىنىڭ تورىندە قازاقتىڭ ءانىن شىرقاۋ جانە مادەنيەتىن كورسەتۋ - مەن ءۇشىن ۇلكەن مارتەبە بولدى»، - دەيدى گۇلزار عابدراحمان.
اۆتور
ەسىمجان ناقتىباي
