نەپتۋن مەن ۋراننىڭ ءتۇسى ءبىز ويلاعاننان باسقا بولىپ شىقتى
ءبىزدىڭ ۋران مەن نەپتۋن پلانەتالارى جايلى تۇسىنىگىمىز مۇلدە باسقا بولىپ شىقتى. 1980-جىلدارداعى عارىشتىق ميسسيا فوتوسۋرەتتەرىندە نەپتۋننىڭ ءتۇسى - قويۋ كوك، ۋران - جاسىلداۋ بولىپ كورىنەدى، ءبىراق عالىمدار قوس پلانەتانىڭ ءتۇسى شىن مانىندە بىردەي ەكەنىن انىقتادى.
Kazinform بۇل تۋرالى BBC- گە سىلتەمە جاساپ حابارلايدى.
بريتاندىق استرونومدار باستاعان ءبىر توپ عالىم وسىنداي قورىتىندى جاسادى (زەرتتەۋ ناتيجەسى Monthly Notices of the RAS باسىلىمىندا جاريالانعان).
سوڭعى مالىمەتكە سايكەس، ەكى مۇز الىبىنىڭ دا جاسىل-كوك رەڭكتەرى بار.
زەرتتەۋ جەتەكشىسى، وكسفورد ۋنيۆەرسيتەتىنىڭ پروفەسسورى پاتريك يرۆيننىڭ ايتۋىنشا، استرونومدار فوتوسۋرەتتەردەگى بۇل ەكى پلانەتانىڭ ءتۇسى شىندىققا تولىق سايكەس كەلمەيتىنىن بۇرىننان بىلەدى.
كورولدىك استرونوميالىق قوعام (RAS) ديرەكتورىنىڭ ورىنباسارى، دوكتور روبەرت ماسسي بۇرىن سۋرەتتەردى «جاقسىلاپ وڭدەۋ» تاجىريبەسى كەڭىنەن تاراعانىن راستايدى.
پروفەسسور يرۆين مەن ونىڭ ارىپتەستەرى نەپتۋن مەن ۋران تۇستەرىن ءدال بەينەلەۋ ءۇشىن ءتۇپنۇسقا سۋرەتتەرمەن جۇمىس ىستەدى.
ال باستاپقى تۇسىنىسپەۋشىلىك NASA- نىڭ Voyager 2 عارىش كەمەسى پلانەتالاردى بىردەن ءۇش ءتۇرلى تۇسپەن سۋرەتكە تۇسىرگەندىكتەن تۋىنداعان.
اۆتور
ەركەجان سماعۇلوۆا
