نەتانياحۋ كەلەسى اپتادا ترامپپەن اق ۇيدە كەزدەسەدى

استانا. KAZINFORM - يزرايل پرەمەر-ءمينيسترى بينيامين نەتانياحۋ ا ق ش پرەزيدەنتى دونالد ترامپ ەكىنشى پرەزيدەنتتىك مەرزىمى باستالعالى كەزدەسەتىن العاشقى شەتەلدىك كوشباسشى بولايىن دەپ تۇر، دەپ حابارلايدى Global News.

Trump invites Netanyahu to White House meeting
Photo credit: Amos Ben Gershom/IMAGO/ZUMA Press Wire

جىبەرىلگەن شاقىرۋدا تاراپتار 4-اقپاندا كەزدەسۋگە كەلىستى، دەپ حابارلايدى NBC News.

- مەن يزرايلگە جانە ونىڭ كورشىلەرىنە قالاي بەيبىتشىلىك اكەلەتىنىمىزدى جانە ورتاق قارسىلاستارىمىزعا قارسى تۇرۋ ارەكەتتەرىن تالقىلاۋدى اسىعا كۇتەمىن، - دەپ جازدى ترامپ سەيسەنبىدە نەتانياحۋعا جازعان حاتىندا.

گازادا مىڭداعان ادامنىڭ ءومىرىن قيعان، پالەستينالىقتاردى كوشىرگەن جانە كەپىلگە الىنعانداردىڭ بولاشاعى بەلگىسىز بولعان، 15 ايعا سوزىلعان سوعىستان كەيىن يزرايل مەن حاماس وسى ايدا اتىستى توقتاتۋعا قول جەتكىزدى.

ترامپ يوردانيا مەن مىسىرعا پالەستينالىق بوسقىنداردى كوبىرەك قابىلداۋدى ۇسىندى. بۇل پىكىرلەردى ۋلترا ۇلتشىل يزرايلدىك ساياساتكەرلەر قۇپتادى.

ترامپتىڭ تاياۋ شىعىستاعى ارنايى وكىلى ستيۆ ۆيتكوفف وسى اپتادا ترامپ ەكىنشى مەرزىمگە بيلىككە كەلگەننەن كەيىن تاياۋ شىعىسقا جاساعان العاشقى ساپارىندا اتىستى توقتاتۋ جانە باسقا دا ايماقتىق ماسەلەلەردى تالقىلاۋ ءۇشىن يزرايلگە بارادى. ول ءوزىنىڭ ساپارى بارىسىندا گازا سەكتورىنا بارۋعا نيەتتى ەكەنىن اشىق ايتتى.

نەتانياحۋ اق ۇيگە سوڭعى رەت وتكەن جىلدىڭ شىلدە ايىندا پرەزيدەنت دجو بايدەنمەن كەزدەسۋ ءۇشىن كەلگەن.

يزرايل پالەستينالىقتاردىڭ گازا سەكتورىنىڭ سولتۇستىگىنە جاپپاي ورالۋىنا رۇقسات بەرگەنى تۋرالى بۇعان دەيىن حابارلاعان ەدىك.

اۆتور

ەركەجان سماعۇلوۆا

سوڭعى جاڭالىقتار