ەنەرگەتيكا مينيسترلىگى جانارمايدىڭ ناقتىلانعان باعاسىن بەكىتتى

азс
Фото: Pexels

استانا. قازاقپارات - 17-مامىردان باستاپ شەتەلدىك اۆتوكولىكتەرگە ارنالعان بەنزين مەن ديزەل وتىنى بەكىتىلگەن باعامەن ساۋدالانادى.

ىشكى نارىقتاعى جانارماي تەڭگەرىمىن ساقتاۋ، سونداي-اق مۇناي ونىمدەرىنىڭ اعىنى مەن «سۇر» ەكسپورتىنىڭ تاۋەكەلدەرىن بارىنشا ازايتۋ ماقساتىندا ق ر ەنەرگەتيكا ءمينيسترىنىڭ شەتەلدىك كولىكتەرگە ارنالعان اي-92، اي-93 بەنزينى جانە ديزەل وتىندارىنىڭ جاڭارتىلعان باعالارى بويىنشا بۇيرىعى جاريالاندى.

«اي-92 جانە اي-93 بەنزينى - ليترىنە 245 تەڭگە؛

قازاقستان رەسپۋبليكاسىندا بەرىلگەن جۇرگىزۋشى كۋالىگىن كورسەتكەن كەزدە تاۋلىگىنە 100 ليترگە دەيىنگى مولشەردە - ليترىنە 205 تەڭگە؛

قازاقستان رەسپۋبليكاسىندا بەرىلگەن موتوتسيكلدەرگە، جەڭىل اۆتوموبيلدەرگە، جۇك كولىكتەرىنە، ارنايى، مامانداندىرىلعان جەڭىل اۆتوموبيلدەرگە جانە اۆتوبۋستارعا جۇرگىزۋشى كۋالىگىن جانە كولىك قۇرالىن تىركەۋ كۋالىگىن كورسەتكەن كەزدە - تاۋلىگىنە 300 ليترگە دەيىنگى كولەمدە - ليترىنە 205 تەڭگە؛

ديزەلدىك وتىن (جازعى، ماۋسىمارالىق) - ليترىنە 315 تەڭگە؛

قازاقستان رەسپۋبليكاسىندا تىركەلگەن جۇرگىزۋشى كۋالىگىن كورسەتكەن كەزدە تاۋلىگىنە 100 ليترگە دەيىنگى مولشەردە - ليترىنە 295 تەڭگە؛

قازاقستان رەسپۋبليكاسىندا بەرىلەتىن جۇرگىزۋشى كۋالىگىن جانە كولىك قۇرالىن تىركەۋ كۋالىگىن كورسەتكەن كەزدە جۇك كولىكتەرىنە، ارنايى، مامانداندىرىلعان جەڭىل اۆتوموبيلدەرگە جانە اۆتوبۋستارعا تاۋلىگىنە 300 ليترگە دەيىنگى كولەمدە - ليترىنە 295 تەڭگە»، - دەلىنگەن قۇجاتتا.

وسىلايشا، قازاقستان رەسپۋبليكاسىنىڭ كۋالىگى مەن كولىك قۇرالىن تىركەۋ تۋرالى كۋالىگى بار ازاماتتار ءۇشىن جانار- جاعارماي باعاسى وزگەرىسسىز قالادى.

ايتا كەتەيىك، قازىرگى ۋاقىتتا جانار-جاعارماي قورىن ءوندىرۋ، جونەلتۋ جانە تولىقتىرۋ ۇزدىكسىز جۇرگىزىلۋدە، بۇل رەتتە مۇناي ونىمدەرىنىڭ قوماقتى قورىنىڭ بولۋىنا بايلانىستى ىشكى نارىقتاعى جاعداي تۇراقتى.

اۆتور

اسحات رايقۇل

سوڭعى جاڭالىقتار