ەنەرگەتيكا ءمينيسترى مۇناي وڭدەۋ زاۋىتتارىنىڭ رەسەيگە ساتىلاتىنى تۋرالى اقپاراتقا جاۋاپ بەردى

Алмасадам Сәтқалиев
Фото: primeminister.kz/

استانا. KAZINFORM - ەنەرگەتيكا ءمينيسترى الماسادام ساتقاليەۆ اتىراۋ، پاۆلودار مۇناي وڭدەۋ زاۋىتتارىنىڭ رەسەيدىڭ «لۋكويل» ج» نە «گازپروم» كومپانيالارىنا ساتىلاتىنى تۋرالى مالىمەتكە جاۋاپ بەردى.

«ناقتى ساتىپ الۋشىعا كەلسەك، ەنەرگەتيكا مينيسترلىگىنە ەشكىم ماقۇلداۋ الۋ ءۇشىن جۇگىنگەن جوق. سوندىقتان بۇل جەردە مەن «قازمۇنايگاز» پىكىرىمەن كەلىسەمىن، قانداي دا ءبىر كوممەرتسيالىق كەلىسىم تۋرالى ايتۋعا ەرتە. جالپى، وزدەرىڭىز بىلەتىندەي، قازاقستاندا «قازمۇنايگاز» بەن CNPC «50 دە 50» قاعيداتىمەن يەلىك ەتەتىن مۇناي وڭدەۋ زاۋىتى بار. ەنەرگەتيكا مينيسترىلىگىنىڭ پايىمىنان قاراساق، بۇل جەردە مەنشىك فورماسى عانا ەمەس، باسقارۋ تيىمدىلىگى، ينۆەستيتسيالىق باعدارلامانىڭ ورىندالۋى، تۇراقتى جۇمىس باسىم باعىتقا شىعىپ تۇر. «قازمۇنايگاز» اكتيۆتەرىن ساتۋعا كەلسەك، ول سول كومپانيانىڭ ءوز قۇزىرەتىندەگى شارۋا» ، - دەدى الماسادام ساتقاليەۆ.

سونداي- اق، ول اتىراۋ مەن پاۆلودارداعى مۇناي وڭدەۋ زاۋىتتارىن جەكەشەلەندىرۋ ماسەلەسى قايدان شىققانى تۋرالى پىكىر ءبىلدىردى.

«بىرىنشىدەن، «قازمۇنايگازدىڭ» ءوزى دە جەكە مەنشىك كومپانيا بولىپ ەسەپتەلەدى. IPO قورىتىندىسى بويىنشا كومپانيا اكسيالارىنىڭ ءبىر بولىگى اينالىمعا شىعارىلعان، سۇرانىس بار. ول اكسيالاردىڭ يەلەرى - قازاقستان ازاماتتارى، قازاقستان كاسىپورىندارى. ياعني، كومپانيا ونسىز دا مەملەكەتتىك كاسىپورىن ەمەس، جەكە مەنشىكتىكى. جەكەلەگەن زاۋىتتارعا كەلسەك، ءبىز كوممەرتسيالىق ۇسىنىس بولسا، ونىڭ كاسىپورىنعا قانشالىقتى ءتيىمدى بولاتىنىنا، قايتا وڭدەۋ سالاسىن دامىتۋ جونىندەگى مەملەكەتتىك باعدارلامالاردى ىسكە اسىرۋ تۇرعىسىنان قاراۋىمىز كەرەك»، - دەدى مينيستر.

اۆتور

ەسىمجان ناقتىباي

سوڭعى جاڭالىقتار