ەنەرگەتيكا ءمينيسترى: بالقاشتىڭ ماڭىنا ا ە س- ءتىڭ 6 بلوگىن سالۋعا بولادى
استانا. KAZINFORM - ەنەرگەتيكا ءمينيسترى الماسادام ساتقاليەۆ ب ا ق وكىلدەرمەن وتكەن باسپا ءسوز ءماسليحاتىندا ەلدەگى العاشقى ا ە س- ءتىڭ قۇرىلىس مەرزىمى قىسقارۋى مۇمكىن ەكەنىن ايتتى.

- قازىر ارنايى كوميسسيا الدىن الا جۇمىستار جۇرگىزىپ جاتىر. تەحنولوگياسىنا بايلانىستى عوي. ارينە، ءتىپتى قازىر ونى كەز كەلگەن جەرگە قويۋعا بولادى. قازىر ۇلكەن اشىق سۋ قويماسى بولۋ كەرەك دەگەن سياقتى تالاپ جوق. قۇرعاق تاسىلمەن سۋىتاتىن سۋىق گرەيدەرلەر قولدانىلا باستادى. سوندىقتان ەلدەگى ەلەكتر جەلىسىن توپوگرافياسىنا، قاۋىپسىزدىك ماسەلەسىنە قاراپ شەشىم قابىلدايمىز.
جۋىق ارادا ۇسىنىستار بەرەمىز. بىزگە 2050 -جىلعا دەيىن يادرولىق كلاستەردىڭ جوباسىن ازىرلەۋ تۋرالى تاپسىرما بەرىلدى. مىسالى بالقاشتىڭ ماڭىنا 6 بولكقا دەيىن ورناتۋعا بولادى.
كۋرچاتوۆ، اقتاۋ سياقتى الاڭدار دا بار. باتىس قازاقستان دا، شىعىس قازاقستاندا بار. باتىس دەگەندە كاسپيدىڭ ماڭىن ايتىپ وتىرمىز، - دەپ ناقتىلادى.
ەسكە سالساق، ۇكىمەتتىڭ كەڭەيتىلگەن وتىرىسىنان كەيىن اقپان ايىنان باستاپ بەنزين، ديزەل، سۇيىتىلعان گاز باعاسى وسەتىنى ءمالىم بولعان ەدى.
اۆتور
ەسىمجان ناقتىباي