نۇرلان نىعماتۋليننىڭ ۇلى نۇرجان نۇرلانوۆقا قاتىستى تەرگەۋ ءجۇرىپ جاتىر

الماتى. KAZINFORM - الماتى پوليتسياسى وزىنشە بيلىك ەتۋ بابى بويىنشا تەرگەۋدى باستاعان.

الەۋمەتتىك جەلىدە «بايتەرەك» حولدينگىنىڭ جانە «قازمۇناي گاز-ايرو» ج ش س- نىڭ بۇرىنعى ديرەكتورى نۇرجان نۇرلانوۆ ۇستىنەن قىلمىستىق ءىس قوزعالعانى تۋرالى اقپارات تارادى.

ىشكى ىستەر مينيسترلىگىنىڭ باسپا ءسوز قىزمەتى ق ر قىلمىستىق كودەكسىنىڭ 389-بابى بويىنشا تەرگەۋ ءجۇرىپ جاتقانىن راستادى.

- الماتى قالاسى پوليتسيا دەپارتامەنتىنىڭ تەرگەۋ باسقارماسىندا ق ر ق ك 389-بابى (وزىنشە بيلىك ەتۋ) بويىنشا سوتقا دەيىنگى تەرگەۋ ءجۇرىپ جاتىر. قازىرگى ۋاقىتتا ءىستىڭ ءمان-جايلارىن جان- جاقتى، تولىق جانە وبەكتيۆتى زەرتتەۋ ءۇشىن تەرگەۋ ارەكەتتەرى جۇرگىزىلىپ جاتىر، - دەلىنگەن ءى ءى م جاۋابىندا.

ايتا كەتكەن ءجون، نۇرجان نۇرلانوۆ - قازاقستان رەسپۋبليكاسىنىڭ پارلامەنت ءماجىلىسىنىڭ بۇرىنعى ءتوراعاسى نۇرلان نىعماتۋليننىڭ ۇلى.

بۇعان دەيىن نۇرلان نىعماتۋليننىڭ تۋعان اعاسى ارعىن نىعماتۋلينگە ىزدەۋ جاريالاندى.

ق ر سىبايلاس جەمقورلىققا قارسى ءىس-قيمىل اگەنتتىگى كۇدىككە ىلىنگەن ارعىن نىعماتۋلين قازاقستاننان تەرگەۋ باستالعانعا دەيىن كەتكەنىن حابارلادى.

اۆتور

دوسبول اتاجان