نۇرلان بايبازاروۆ: جاڭا سالىق كودەكسى بيزنەستى تەڭگەرىمدەۋدى قامتاماسىز ەتەدى

Нұрлан Байбазаров
Фото: Видеодан алынған скрин

استانا. KAZINFORM - پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ بيۋدجەت كىرىستەرى مەن ەكونوميكاداعى ءوسىمدى ىنتالاندىرۋ اراسىنداعى تەڭگەرىمگە قول جەتكىزۋگە باعىتتالعان سالىق كودەكسىندەگى جوسپارلانعان وزگەرىستەر تۋرالى ايتتى.

بۇل تۋرالى ول Primeminister.kz-كە بەرگەن ەكسكليۋزيۆتى سۇحباتىندا ايتتى.

قۇجاتتىڭ نەگىزگى مىندەتى - تەپە-تەڭدىك پرينتسيپى بولىپ سانالادى. سالىق كودەكسى، ءبىر جاعىنان، الەۋمەتتىك سالانىڭ جۇمىس ىستەۋى جانە باسقا دا مەملەكەتتىك مىندەتتەردى ورىنداۋ ءۇشىن بيۋدجەتتىڭ جەتكىلىكتى كىرىسىن قامتاماسىز ەتۋگە ءتيىس. ەكىنشى جاعىنان - بيزنەس پەن ينۆەستيتسيالاردى ىنتالاندىرۋ، ەكونوميكالىق ءوسىمدى جانە ءوندىرىستى ۇلعايتۋدى قامتاماسىز ەتۋ.

«نەگىزگى باعىتتاردىڭ ءبىرى ىنتالاندىرۋ جانە قولداۋ شارالارىن، سونداي- اق پروتسەستەردى تولىق سيفرلاندىرۋدى قامتيتىن، سەرۆيستىك مودەلگە كوشۋمەن سالىقتىق اكىمشىلەندىرۋدى جەتىلدىرۋ بولادى. ءبىز بيزنەستى اشقاننان باستاپ سۇيەمەلدەۋ ءۇشىن جازالاۋ شارالارىنان كونسۋلتاتيۆتى جانە قولداۋ شارالارىنا كوشۋىمىز كەرەك»، - دەپ اتاپ ءوتتى ۆيتسە- پرەمەر.

سونداي- اق ول 1,3 تريلليون تەڭگەدەن استام سوماعا سالىق جەڭىلدىكتەرىن قىسقارتۋ جانە سالىقتار مەن الىمداردى وڭتايلاندىرۋدى ۇسىنۋ جوسپارى تۋرالى حابارلادى.

«مەملەكەت باسشىسى سالىقتىق جەڭىلدىكتەردىڭ كەم دەگەندە %20- عا قىسقارتۋ مىندەتىن قويدى. ءبىز جاعدايدى جالپى باعالاۋ بويىنشا جۇمىس جۇرگىزدىك جانە ەندى ناقتى شارالاردى ۇسىنامىز»، - دەپ ءتۇسىندىردى نۇرلان بايبازاروۆ.

ەكونوميكانى، ينۆەستيتسيالاردى جانە بيزنەستى ىنتالاندىرۋ ءۇشىن سالىق كودەكسىندە نەگىزگى ينۆەستيتسيالىق پرەفەرەنتسيالار ساقتالادى، سونداي-اق شەتەلدىك جانە ىشكى ينۆەستيتسيالاردى تارتۋدىڭ جاڭا شارالارى ۇسىنىلادى. تاۋ-كەن ونەركاسىبىن ودان ءارى دامىتۋ الەۋەتىن ءتۇسىنۋ ءۇشىن گەولوگيالىق بارلاۋ بەلسەندى تۇردە ىنتالاندىرىلاتىن بولادى. ءبىرىنشى كەزەكتە، شاعىن جانە ورتا بيزنەسكە قاتىستى سالىق بازاسىن كەڭەيتۋ جانە كولەڭكەلى ەكونوميكانى تومەندەتۋ قاجەت. ارنايى سالىق رەجيمدەرىن ءوزىن-ءوزى جۇمىسپەن قامتىعاندار، شاعىن بيزنەس جانە شارۋالار ءۇشىن جەڭىلدەتۋ ۇسىنىلادى. بيۋدجەت كىرىستەرىن ارتتىرۋ ءۇشىن كورپوراتيۆتىك تابىس سالىعى بويىنشا سارالانعان ءتاسىل ۇسىنىلدى.

«ءبىز جوعارى مارجينالدىق قارجى وپەراتسيالارى مەن ويىن بيزنەسىندە ك ت س ارتتىرۋدى، ءبىراق ناقتى سەكتور ءۇشىن قولدانىستاعى مولشەرلەمەنى ساقتاۋدى ۇسىنامىز. وڭدەۋ ونەركاسىبىندەگى جوعارى قايتا وڭدەۋگە ينۆەستيتسيالار سالۋ كەزىندە كتس ەكى ەسەگە - %10- عا دەيىن قىسقارتىلادى»، - دەدى ۆيتسە- پرەمەر.

سونىمەن قاتار نۇرلان بايبازاروۆ ق ق س قايتارۋ پروتسەسىن اۆتوماتتاندىرۋ جوسپارى جانە زەينەتاقى تابىسىنا %10 مولشەرىندە جەكە تابىس سالىعىن سالۋدى الىپ تاستاۋ جونىندەگى ۇسىنىس تۋرالى ايتىپ بەردى. ءبىراق سوڭعى شەشىمدەردى پارلامەنت پەن مەملەكەت باسشىسى قابىلدايدى. بۇل شارالار قازاقستاندا ەكونوميكالىق وسىمگە جانە بيزنەستىڭ دامۋىنا ىقپال ەتەتىن نەعۇرلىم قولايلى سالىقتىق ورتانى قۇرۋعا باعىتتالعان.

ەسكە سالا كەتەيىك، بۇعان دەيىن جاڭا سالىق كودەكسىنىڭ جوباسى جاريالانعانىن جازعان بولاتىنبىز.

اۆتور

باقىتگۇل اباي قىزى

سوڭعى جاڭالىقتار