نۇرعالي ءنۇسىپجانوۆ الماتى وبلىسىنىڭ «قۇرمەتتى ازاماتى» اتاندى

قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى، «قۇرمەت»، «پاراسات» وردەندەرىنىڭ يەگەرى نۇرعالي ءنۇسىپجانوۆ الماتى وبلىسىنىڭ «قۇرمەتتى ازاماتى» اتاعى بەرىلدى، دەپ حابارلايدى Kazinform.

«ق ر حالىق ءارتىسى، مەملەكەتتىك سىيلىقتىڭ لاۋرەاتى، «قۇرمەت»، «پاراسات» وردەندەرىنىڭ يەگەرى نۇرعالي ءنۇسىپجان ۇلىنىڭ تۋعان كۇنى. وسى ورايدا ءان ونەرىنىڭ دارابوزىن الماتى وبلىسىنىڭ اكىمى مارات ەلەۋسىز ۇلىنىڭ اتىنان قۇتتىقتاپ، وبلىستىڭ «قۇرمەتتى ازاماتى» اتاعىن تابىستادىق» دەپ حابارلادى اكىمدىكتىڭ باسپا ءسوز قىزمەتىنەن.

ايتا كەتەيىك، نۇرعالي ءنۇسىپجانوۆ 1937-جىلى 5-قاڭتاردا بۇرىنعى تالدىقورعان وبلىسىنىڭ گۆارديا اۋدانىنا قاراستى دولانالى اۋىلىندا دۇنيەگە كەلگەن.

قازاقستان رەسپۋبليكاسىنىڭ حالىق ءارتىسى، مەملكەتتىك سىيلىقتىڭ، قازاقستان جاستار وداعى سىيلىعىنىڭ، قىرعىزدىڭ ابىلاس مولدابايەۆ اتىنداعى حالىقارالىق سىيلىقتارىنىڭ لاۋرەاتى، وزبەكستان رەسپۋبليكاسىنىڭ ەڭبەك سىڭىرگەن مادەنيەت قىزمەتكەرى.

اۆتور

الما مۇقانوۆا