گەننادي گولوۆكين باستاعان قازاقستان دەلەگاتسياسى لوزانناعا كەلدى
استانا. KAZINFORM - بۇگىن باس حاتشى جانار ۋتەشيەۆا مەن قازاقستان ۇ و ك باس ديرەكتورى نۇرلان نوگەربەكتەن قۇرالعان دەلەگاتسيا ح و ك- تىڭ شتاب- پاتەرى سانالاتىن لوزانناداعى (شۆەيتساريا) وليمپيادالىق ۇيگە باردى.
اتالعان جۇمىس ساپارى حالىقارالىق سپورتتىق بايلانىستاردى نىعايتىپ، قازاقستانداعى وليمپيادالىق قوزعالىستى بىرلەسە دامىتۋ جولىندا ماڭىزدى قادام بولادى دەپ كۇتىلىپ وتىر.
قازاقستان ۇ و ك وكىلدەرىنە ارناپ ءتۇرلى وليمپيادالىق قوزعالىستىڭ زاماناۋي دامۋىنداعى ءتۇرلى اسپەكتىلەر مەن ەرەكشەلىكتەردى قامتىعان تانىستىرىلىم ءوتتى. سونداي- اق قازاقستان ۇ و ك دەلەگاتسياسىنىڭ جۇمىس ساپارى اياسىندا ءتۇرلى ح و ك دەپارتامەنتتەرىمەن كەزدەسۋلەر ۇيىمداستىرىلادى.
ايتا كەتەلىك، اتالعان ءىسساپاردىڭ باستى وقيعاسى - گەننادي گولوۆكين مەن حالىقارالىق وليمپيادا كوميتەتىنىڭ پرەزيدەنتى توماس باح اراسىنداعى كەزدەسۋ بولماق.
