نەلىكتەن كەيبىر پاسپورتتار باسقالارىنا قاراعاندا كۇشتىرەك؟
استانا. KAZINFORM - ميلليونداعان ادام كۇن سايىن تولقۇجاتىمەن شەكارانى كەسىپ وتسە دە، كەيبىر ءتولقۇجاتتار يەلەرىنە كوبىرەك ساياحات ەركىندىگىن ۇسىنادى. بۇل ايىرماشىلىقتىڭ سەبەبى نە؟
«Henley & Partners» جانە «Arton Capital» جاريالاعان ءتولقۇجات يندەكستەرى ۆيزاسىز ەلدەر سانىنا نەگىزدەلگەن ءتولقۇجاتتاردىڭ كۇشىن ولشەيدى. سينگاپۋر جانە جاپونيا سياقتى ەلدەردىڭ ءتولقۇجاتتارى 190-نان استام ەلگە ۆيزاسىز كىرۋگە مۇمكىندىك بەرسە، اۋعانستان، سيريا جانە پاكىستان سياقتى ەلدەردىڭ ءتولقۇجاتتارى قوزعالىستى شەكتەيدى.
«Henley & Partners» وكىلى بۋراك دەميرەل يندەكس دەرەكتەرىنىڭ حالىقارالىق اۋە كولىگى قاۋىمداستىعىنان الىنعانىن جانە ءارتۇرلى دەرەككوزدەر ارقىلى قولداۋ كورسەتىلەتىنىن ايتادى.
پاسپورت كۇشىنە اسەر ەتەتىن فاكتورلارعا ەكونوميكالىق تۇراقتىلىق، ەكى جاقتى ساۋدا كولەمى، حالىق سانى جانە ۆيزا شارتتارىن بۇزۋ ستاتيستيكاسى كىرەدى.
كوشى- قون جونىندەگى ساراپشى ۋگۋر التۋندال جالپى ىشكى ءونىم كورسەتكىشى جوعارى ەلدەردىڭ ءتولقۇجاتتارى كۇشتىرەك، ويتكەنى بۇل ەلدەردەن قاجەتسىز كوشى-قون قاۋپى تومەن ەكەنىن ايتادى.
كەيبىر ەلدەردىڭ شەنگەن ۆيزاسىنا قاتىستى ماسەلەلەرى ۇلتتىق بىرەگەيلىك پەن مادەنيەتكە نەگىزدەلگەن كەمسىتۋشىلىك ساياساتتىڭ بار ەكەنىن كورسەتەدى. ساياسي تۇراقسىزدىق پەن ىشكى جانجالدار ءتولقۇجات كۇشىنە دە كەرى اسەر ەتەدى.
ءبىراق پاسپورتتىق رەيتينگتەردىڭ لوگيكاسى ءارقاشان سايكەس بولا بەرمەيدى. ماسەلەن پاكىستاننىڭ كورسەتكىشتەرى باسقا ەلدەرگە قاراعاندا جاقسىراق بولعانىمەن از ەلدەرگە ۆيزاسىز كىرۋگە مۇمكىندىك بەرەدى. بۇل كورشى ەلدەرمەن قارىم-قاتىناس پەن ايماقتىق كەلىسىمدەرگە دە بايلانىستى.
ديپلوماتيالىق جانە ساۋدا كەلىسىمدەرى ءتولقۇجات كۇشىنە ايتارلىقتاي اسەر ەتەدى. بىرىككەن اراب امىرلىكتەرى سياقتى حالىقارالىق قاتىناستار ارقىلى ۆيزاسىز ساياحات مۇمكىندىكتەرىن ارتتىراتىن ەلدەر ءتولقۇجات رەيتينگىندە كوتەرىلۋدە.
قازىرگى ءتولقۇجاتتىڭ پايدا بولۋى ءبىرىنشى دۇنيەجۇزىلىك سوعىستان باستالادى. سوعىس كەزىندەگى قاۋىپسىزدىك ماسەلەلەرى ساياحات شەكتەۋلەرىنىڭ ارتۋىنا اكەلدى.
بيومەتريالىق قاۋىپسىزدىك پەن سيفرلىق دەرەكتەر بازاسىنىڭ ارقاسىندا جەكە باسىن وزگەرتۋ بۇگىنگى كۇنى قيىنداي تۇسكەنىمەن، گەوساياسي فاكتورلار ساياحات ەركىندىگىن انىقتاۋدى جالعاستىرۋدا. سوندىقتان قاقتىعىس ايماقتارىنان كەلگەن بوسقىندارعا باسقاشا قارايدى. ماسەلەن ۋكراينالىق بوسقىندارعا كورسەتىلگەن جەڭىلدىك، مادەني جاقىندىق، ناسىلدىك جانە ءدىني كوزقاراس سياقتى فاكتورلاردىڭ ءرولىن كورسەتەدى.
ەۋروپادا اسىرە وڭشىل پارتيالاردىڭ كوبەيۋى جانە يمميگراتسياعا قارسى كوزقاراستاردىڭ كۇشەيۋى ۆيزادان باس تارتۋدى ارتتىرۋدا.
پاسپورت ادامداردىڭ جاھاندىق موبيلدىلىگى مەن ءومىر ءسۇرۋ مۇمكىندىكتەرىنە ايتارلىقتاي اسەر ەتەدى. گەوساياسي، ەكونوميكالىق جانە الەۋمەتتىك فاكتورلار ءتولقۇجاتتاردىڭ كۇشىن انىقتايتىن كۇردەلى جۇيە.
www.trt-global.com
