ەندى تەك تىركەلگەن تۇلعالار عانا ادام تاسىمالداي الادى
استانا. KAZINFORM - زاڭسىز اۆتوتاسىمالداۋشىلارمەن كۇرەس قارقىندى جۇرگىزىلىپ جاتىر. 2025 -جىلدان باستاپ جەكە اگرەگاتورلار جەكە تاسىمالداۋشى رەتىندە تىركەلگەن تۇلعالارعا عانا تاپسىرىس بەرەتىن بولادى.
بۇل تۋرالى ق ر ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ ايتتى.
«2025 -جىلدان باستاپ جەكە اگرەگاتورلار جەكە تاسىمالداۋشى رەتىندە تىركەلگەن تۇلعالارعا عانا تاپسىرىس بەرەتىن بولادى. ءوز كەزەگىندە جەكە تاسىمالداۋشىلار كۇندەلىكتى رەيس الدىنداعى جانە رەيستەن كەيىنگى مەديتسينالىق تەكسەرۋدەن وتۋگە، اۆتوكولىكتى كۇندەلىكتى تەحنيكالىق بايقاۋدان وتكىزۋگە، سول جاقتان باسقارىلاتىن اۆتوكولىكتەردى پايدالانۋعا، جۇرگىزۋشىلەردىڭ ەڭبەك جانە دەمالىس رەجيمىن ساقتاۋعا مىندەتتى بولادى. كورسەتىلگەن تالاپ ورىندالماعان جاعدايدا ينتەرنەت اگرەگاتورلاردىڭ يەلەرى جەكە تاسىمالداۋشىعا تاپسىرىس بەرمەۋگە مىندەتتى»، - دەدى اكىمشىلىك پوليتسيا كوميتەتىنىڭ ءتوراعاسى و ك ق الاڭىندا وتكەن باسپا ءسوز ءماسليحاتىندا.
سونداي- اق قايسار سۇلتانبايەۆ كولىك مينيسترلىگىمەن بىرلەسىپ وسىنداي تاسىمال ءتۇرىن جۇزەگە اسىرۋ ءۇشىن ءوز باعدارلامالارىن ۇسىناتىن كومپانيالارمەن مەموراندۋمدار جاسالعانىن اتاپ ءوتتى. مەموراندۋم اياسىندا جۇرگىزۋشىلەر ەڭبەك جانە دەمالىس رەجيمىن ساقتاۋىنا، مەديتسينالىق تەكسەرۋدەن وتۋىنە، جولاۋشىلار مەن باگاجدى تاسىمالداۋ ەرەجەلەرىنە قويىلاتىن تالاپتار كۇشەيتىلەتىن بولادى. ينتەرنەت اگرەگاتورلار وسى كەزدە قوسىمشالاردىڭ جۇمىسىن پىسىقتاپ جاتىر.
ايتا كەتەيىك، جىل باسىنان بەرى ەلىمىزدە 22 مىڭنان استام جول اپاتى تىركەلىپ، وندا 2 مىڭ ادام قازا بولدى.
اۆتور
ەربول جانات
