نازاربايەۆ زياتكەرلىك مەكتەپتەرىندە اۋديتتىك تەكسەرۋدەن كەيىن نە وزگەردى
استانا. KAZINFORM - ەلىمىزدە نازاربايەۆ زياتكەرلىك مەكتەپتەرىندە مەملەكەتتىك اۋديتتەن كەيىن ءبىرقاتار شارا قابىلداندى.

ناقتى ايتقاندا، شتات سانىن ەسەپتەۋدىڭ جاڭا نورماتيۆى جانە ساتىپ الۋ بويىنشا وزگەرىستەر ەنگىزىلدى. بۇل تۋرالى جوعارى اۋديتورلىق پالاتاسى حابارلايدى.
مەملەكەتتىك اۋديت ن ز م- دا بىلتىر شىلدەدە جۇرگىزىلگەن تەكسەرۋ اياسىندا قارجى-شارۋاشىلىق جانە ۇيىمداستىرۋشىلىق ماسەلەلەرگە قاتىستى ءبىرقاتار زاڭ بۇزۋشىلىق پەن كەمشىلىكتەر انىقتالدى، ءبىراق بۇل وقۋ پروتسەسىنە قاتىسى جوق.
جوعارى اۋديتورلىق پالاتانىڭ تاپسىرمالارىن ورىنداۋ ءۇشىن ن ز م- دە مىناداي شارالار قابىلداندى:
- تاۋارلاردى، جۇمىستار مەن كورسەتىلەتىن قىزمەتتەردى ساتىپ الۋ قاعيدالارىنا وزگەرىستەر ەنگىزىلدى. ەندى ءبىر كوزدەن الۋ تاسىلىمەن ساتىپ الۋ قايتا ساتىپ الۋ وتپەدى دەپ تانىلعان جاعدايدا عانا (اتاپ ايتقاندا، تەندەر ارقىلى) وتكىزىلەتىن بولادى. ن ز م ساتىپ الۋ شارتتارى مەن ولاردىڭ ورىندالۋى جونىندەگى قۇجاتتاردى ساتىپ الۋدىڭ رەسمي ۆەب- پورتالىنا ورنالاستىرا باستايدى. بۇل رەتتە تىكەلەي شارت جاساسۋ ارقىلى كىتاپتار مەن كوركەم ادەبيەتتەردى ساتىپ الۋ ءتاسىلى تولىعىمەن الىپ تاستالدى؛
- وقۋ-اعارتۋ مينيسترلىگىنىڭ ورتا ءبىلىم كوميتەتىمەن كەلىسۋ بويىنشا ن ز م دامۋ ستراتەگياسىن ازىرلەۋ جانە ونىڭ ورىندالۋىن باقىلاۋ رەگلامەنتى بەكىتىلدى. بۇرىن بۇل اسپەكتىنى مەملەكەتتىك ورگاندار قاداعالاماعان بولاتىن؛
- ۇلتتىق ءبىلىم بەرۋ دەرەكقورىن «ن ز م» د ب ۇ ءبىرىڭعاي اقپاراتتىق-ءبىلىم بەرۋ جۇيەسىمەن سيفرلىق ينتەگراتسيالاۋ جۇرگىزىلدى؛
- زياتكەرلىك مەكتەپتەر قىزمەتكەرلەرىنىڭ شتات سانىن ەسەپتەۋ نورماتيۆى ازىرلەنىپ، بەكىتىلدى؛
- شەتەلدىك پەداگوگتەردىڭ لاۋازىمدارى «ن ز م» د ب ۇ فيليالدارىنىڭ ۇلگىلىك شتات كەستەسىنە ەنگىزىلىپ، ولاردىڭ قىزمەتىن باعالاۋ ولشەمشارتتارى دا بەكىتىلدى؛
- ن ز م فيليالدارىنا شەتەلدىك مۇعالىمدەردى تارتۋ شىعىندارىنىڭ ەسەبى جاڭارتىلدى. اتاپ ايتقاندا، ءبىر شەتەلدىك پەداگوگكە تۇرعىن ءۇيدى جالعا الۋ الاڭىنىڭ نورمالارى بەلگىلەندى، بولمە سانى كورسەتىلۋى ءتيىس؛
- فيليالدار ءۇشىن كۇزەت قىزمەتتەرىنىڭ نورمالارى بەكەتتەردىڭ سانى مەن ولاردىڭ جۇمىس ىستەۋ ۋاقىتى ايقىندالا وتىرىپ بەكىتىلدى؛
- ن ز م ەكوجۇيەسىندەگى ۇيىمدار ءۇشىن اقپاراتتىق جۇيەلەر مەن سەرۆيستەردى ازىرلەۋگە جانە دامىتۋعا ارنالعان تەحنيكالىق تاپسىرمالاردى جاساۋ ءتارتىبى قابىلداندى؛
- ن ز م- گە اقىلى نەگىزدە وقۋعا قابىلداۋ قاعيدالارىنا وزگەرىستەر ەنگىزىلدى، اتاپ ايتقاندا وقۋشىلاردى وقۋعا قابىلداۋ الدىندا ناقتى ولشەمشارتتار بەلگىلەي وتىرىپ، ولاردىڭ ءبىلىمىن باعالاۋدىڭ مىندەتتى ءراسىمى قوسىلدى؛
- ەلەكتيۆتى كۋرستاردى اياقتاعان وقۋشىلاردىڭ ناتيجەلەرىن ەسەپكە الۋ جۋرنالى ازىرلەندى؛
- ن ز م مەردىگەرلەرىنىڭ ءبىرى قۇرىلىس- مونتاجداۋ جۇمىستارىنىڭ 8,5 ميلليون تەڭگە سوماسىندا تولەنگەن ارتىق قۇنىن وتەدى.
ايتا كەتەيىك، جوعارىدا اتالعان بارلىق نۇسقامانىڭ ورىندالۋى جوعارى اۋديتورلىق پالاتانىڭ باقىلاۋىندا بولادى.
ەسكە سالا كەتەيىك، بىلتىر جىل سوڭىندا ولجاس بەكتەنوۆ NU جانە ن ز م جوعارى قامقورشىلىق كەڭەسىنىڭ وتىرىسىن وتكىزگەن ەدى.
اۆتور
داۋلەت ىزتىلەۋ