ناسا عارىشكەرى رەكورد ورناتتى
امەريكالىق NASA عارىشكەرى فرەنك رۋبيو حالىقارالىق عارىش ستانتسياسىندا 371 كۇن بولىپ، رەكورد ورناتتى، دەپ حابارلايدى قازاقپارات.

بىلتىر قىركۇيەك ايىندا رەسەيلىك قوس استروناۆتپەن سويۋز- م س 23 كەمەسىنىڭ 69- ەكسپەديتسيا توبىمەن ساپارعا اتتانعان ول اۋەلدە 6 ايعا قالۋدى جوسپارلاعان. ءبىراق كەڭىستىكتە كەمەنىڭ ىستەن شىعۋىنا بايلانىستى ءىسساپار تاعى جارتى جىلعا سوزىلدى.
جىل بويى فرەنك اۋەدە ءتۇرلى ەكسپەريمەنتتەر ۇيىمداستىرىپ، عارىش فيزيكاسى مەن بيولوگيا، روبوتوتەحنيكا عىلىمدارى بويىنشا تىڭ زەرتتەۋلەر جۇرگىزگەن.
فرەنك رۋبيو، NASA عارىشكەرى:
- عارىشتا 1 جىلدى وتكىزۋ - مەن ءۇشىن ۇلكەن قۇرمەت. مەنىڭ ويىمشا، مۇنداي تۇراقتىلىق ادامزات دەنەسىنىڭ ۇزاق مەرزىمگە شىداپ، ۇيرەنىسىپ، تاعى دا ايعا اتتانۋىنا مۇمكىندىگى بارىن كورسەتەدى. عارىش كەڭىستىگىندە ءبىز ءتۇرلى جاڭاشىلدىقتاردى ويلاپ تاۋىپ، جەردەگى ادامزاتپەن بەينەكونفەرەنتسيا ورناتۋدىڭ مۇمكىندىكتەرىن زەرتتەدىك.
www.24.kz