ناۋرىز مەيرامى: استانانىڭ تۇرعىن الاپتارىندا كونسەرتتىك باعدارلامالار وتەدى

استانا. قازاقپارات - 21-22- ناۋرىز كۇندەرى ەلوردانىڭ بەس اۋدانىنىڭ تۇرعىن الاپتارىندا ينتەراكتيۆتەرمەن وتەتىن كونسەرتتىك باعدارلامالار ۇيىمداستىرىلادى. بۇل تۋرالى استانا اكىمدىگىنىڭ رەسمي سايتى حابارلادى.

ەستەرىڭىزگە سالا كەتەيىك، ناۋرىز مەرەكەسى اياسىندا استانادا 200-گە جۋىق ءىس-شارا ءوتىپ جاتىر. قالا تۇرعىندارى كونسەرتتەرگە، مەرەكەلىك باعدارلامالارعا، كورمەلەرگە، قويىلىمدارعا، ۇلتتىق سپورت تۇرلەرى بويىنشا سپورت جارىستارىنا، حالىقتىق مەرەكەلەرگە جانە ت. ب. قاتىسا الادى.

21-22-ناۋرىز كۇندەرى 5 اۋداندا تۇرعىندار ءۇشىن شىعارماشىلىق ۇجىمدار مەن ورىنداۋشىلاردىڭ قاتىسۋىمەن كونسەرتتىك باعدارلامالار ازىرلەنىپ وتىر. سونىمەن قاتار سپورتتىق ويىندار مەن ارنايى تاقىرىپتارعا نەگىزدەلگەن فوتوايماقتار ۇيىمداستىرىلادى.

بايقوڭىر اۋدانى بويىنشا اشىق اسپان استىنداعى ءىس-شارالار مىنا ورىنداردا وتەدى:

- 21-ناۋرىز كۇنى ساعات 14:00-دەن 16:00-گە دەيىن قازقالاشىقتاعى №55 مەكتەپ اۋماعىندا؛

- 21-ناۋرىز كۇنى ساعات 17:00-دەن 19:00-گە دەيىن جەزكيىك كوشەسى، 19-مەكەنجايىنداعى ورتالىق الاڭدا؛

- 21-ناۋرىز كۇنى ساعات 12:00-دەن 14:00-گە دەيىن قوياندى ساياجاي الابىندا، كەنشىلەر كوشەسى، 5 -مەكەنجايىنداعى ورتالىق الاڭدا؛

- 22-ناۋرىز كۇنى ساعات 13:00-دەن 15:00-گە دەيىن ءوندىرىس تۇرعىن الابىندا، اقبيداي كوشەسى، 6؛

- 22-ناۋرىز كۇنى ساعات 12:00-دەن 14:00-گە دەيىن كيرپيچنىي تۇرعىن الابىندا، جولىمبەت پەن چەحويەۆ كوشەلەرىنىڭ قيىلىسىنداعى ورتالىق الاڭدا.

ەسىل اۋدانى بويىنشا مەرەكەلىك باعدارلاما ساعات 12.00-دەن 14.00-گە دەيىن پريگورودنىي تۇرعىن الابىنداعى ارناساي كوشەسى، 127 مەكەنجايىندا ورنالاسقان N24 ورتا مەكتەبىندە وتەدى.

قوناقتار اراسىندا ارقان تارتۋ، اسىق اتۋ، قول كۇرەس، گىر كوتەرۋ سەكىلدى ۇلتتىق سپورت تۇرلەرىنەن جارىستار وتەدى.

نۇرا اۋدانىندا كونسەرت 21-ناۋرىزدا ۇركەر تۇرعىن الابىنداعى ايعىرجال كوشەسىندە ورنالاسقان گۇلزاردا وتەدى.

سارى ارقا اۋدانى بويىنشا مىنا ورىندار بەلگىلەندى:

- 21-22-ناۋرىز - كوكتال ساياباعى، س. بەيبارىس كوشەسى؛

- 22-ناۋرىز - قورعالجىن ساياباعى، قۇسمۇرىن كوشەسى، 2؛

- 22-ناۋرىز - وقجەتپەس سكۆەرى، وقجەتپەس- گەرتسەن كوشەلەرىنىڭ قيىلىسى.

الماتى اۋدانى بويىنشا:

- 21-ناۋرىز - ينتەرناتسيونالنىي تۇرعىن الابى؛

- 21-ناۋرىز - ميچۋرينو تۇرعىن الابى؛

- 21-ناۋرىز - جەلەزنودوروجنىي تۇرعىن الابى؛

- 21-ناۋرىز - ونەركاسىپ تۇرعىن الابى؛

- 21-ناۋرىز - كۇيگەنجار تۇرعىن الابى.

سونىمەن قاتار ەلوردادا ەرىكتىلەر ىستىق شاي مەن باۋىرساق تاراتۋ بويىنشا اكسيالار وتكىزەدى، ولار قار كۇرەۋگە كومەك كورسەتەدى، حالىقتىڭ الەۋمەتتىك وسال توپتارىنان شىققان وتباسىلارعا ازىق-تۇلىك سەبەتتەرىن تاسىمالدايدى. استانادا يگى ىستەر مارافونى دا ءوتىپ جاتىر. اكسيانىڭ باستى ماقساتى - ەرىكتىلەر مەن وزگە دە تۇرعىنداردىڭ مۇقتاج ازاماتتارعا بارىنشا كومەك كورسەتۋ.

اتالعان جۇمىس اياسىندا 1000-نان استام ازىق-تۇلىك جيىنتىعى الەۋمەتتىك از قامتىلعان وتباسىلار، كوپبالالى انالار، ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلار، زەينەتكەرلەر جانە تولىق ەمەس وتباسىلار سياقتى حالىقتىڭ الەۋمەتتىك وسال توپتارىنا تاراتىلدى.

اۆتور

ابىلايحان جۇماشيەۆ