ەنە مەن كۇيەۋ بالا تۋرالى ازىلدەر

 استانا. قازاقپارات - ەنەسى مەن كۇيەۋ بالاسىنىڭ اراسىندا كيكىلجىڭدەردىڭ بولىپ تۇراتىنى ەشكىمگە دە قۇپيا ەمەس شىعار. كوبنەسە ورىس حالقىندا، ەنەسى كۇيەۋ بالانىڭ قولىندا تۇراتىن جاعداي ءجيى كەزدەسەدى.

كورشى ەلدەردە ولاردىڭ قارىم-قاتىناسى تۋرالى ءازىل-قالجىڭدار كوپ ايتىلاتىندىقتان، جىگىتتەر ەنەسىمەن العاشقى كەزدەسۋگە جاقسىلاپ دايىندالىپ بارادى ەكەن. سول ءازىل-قالجىڭنىڭ كەيبىرىن اۋدارىپ بەرۋدى ءجون كوردىك.

***

ەنەسىنىڭ تۋعان كۇنىندە، كۇيەۋى: - بىلمەيمىن، اناڭ قانشاعا تولسا، سونشا اقشا بەرەيىك.

ايەلى: - وحو! سوندا 50 مىڭ بەرەمىز بە؟

كۇيەۋى: - ءماسساعان، جاسى 50 مىڭعا جەتىپ قويدى ما؟

***

ەكى ەركەك كەزدەسىپ، ءبىر-بىرىنەن:

- قورقىنىش دەگەن نە نارسە؟ - دەپ سۇراعان ەكەن.

- قورقىنىش دەپ جاعاجايدا دەمالىپ جاتقان كەزدە ەنەڭدى تولقىن الىپ كەتكەنىن ايتامىز.

- ال سۇمدىق دەگەن شە؟

- ەكىنشى تولقىن ەنەڭدى قايتىپ الىپ كەلسە، سۇمدىقتىڭ كوكەسى سول كەزدە بولادى.

***

ەنەسى مەن كۇيەۋ بالاسى ۇرسىسىپ جاتىپ، ەنەسى:

- ەگەر سەن مەنىڭ كۇيەۋىم بولساڭ، مەن ساعان سۋعا ۋ قوسىپ بەرەتىن ەدىم، - دەيدى.

كۇيەۋ بالاسى:

- ءسىز مەنىڭ ايەلىم بولساڭىز، مەن سول ۋدى ويلانباستان ىشەر ەدىم.

***

جىگىت دوڭگەلەك ءۇي تۇرعىزدى. قونىس تويىن تويلاپ جاتىر. قوناقتار كەلىپ:

- نەگە ءۇيىڭ دوڭگەلەك ەتىپ سالىنعان؟ - دەپ سۇراپ جاتىر ەكەن.

- ءۇيدىڭ جوباسىن سىزىپ جاتقانىمدا ەنەم كەلىپ، «بالام ماعان ءبىر بۇرىش تابىلا ما؟» دەپ سۇراعان ەدى.

***

بولاشاق ەنەڭىز سىزگە جاعىمپازدانىپ جاتسا، ونىڭ بالاسىنىڭ ءبىر جەرى دۇرىس ەمەس بولعانى.

***

قىزى اكەسىنە كەلىپ: «اكە، اقىماق دەگەن قانداي ءسوز؟» - دەپ سۇرادى.

اكەسى: «اقىلى جوق ادامدى وسىلاي اتايدى».

قىزى: «اجەمنىڭ ءسىز تۋرالى ناشار ويدا جۇرگەنىن بۇرىن دا سەزۋشى ەدىم».

***

- قىمباتتىم، مەن سەنىڭ اناڭدى ءجۇزۋ ساباقتارىنا جازىپ قويدىم.

- توقتا-توقتا. ال پاراشيۋتپەن سەكىرۋ ساباقتارى شە؟

- ودان پايدا جوق ەكەن. اناڭ ول ساباقتارعا بارعانىنا ءبىر جىل بولدى. شامامەن 100 رەت سەكىردى، ءتىپتى، 1 رەت بولسىن اياعىن قايىرعان جوق.

دايىنداعان: قارلىعا بۇيەنباي

massaget