مىسىر بيلىگى جاڭا استاناعا كوشەدى

مىسىر بيلىگى اكىمشىلىك استاناسىن جاڭا كايرگە كوشىرۋدى باستاپ كەتتى. جاڭا قالا كايردەن شىعىسقا قاراي 45 شاقىرىم جەردە ورنالاسقان.

اۋماعى 700 شارشى شاقىرىمداي. قازىر شاھاردىڭ ينفراقۇرىلىمدىق جۇيەسى اياقتالۋعا جاقىن. ال ارحيتەكتۋرالىق ساۋلەتى كوپقاباتتى ءزاۋلىم عيماراتتارىمەن ەرەكشەلەنەدى. مۇنان بولەك، 100 مىڭ تۇرعىن ءۇي پايدالانۋعا بەرىلگەن. تۇرعىنداردىڭ العاشقى لەگى قونىستانىپ ۇلگەردى. 2050 -جىلعا قاراي ولاردىڭ سانى 6 جارىم ميلليونعا جەتەدى دەگەن بولجام بار.

حالەد ابباس، قالالىق اكىمشىلىك باسقارماسىنىڭ ءتوراعاسى:

- ءبىز جاڭا كايرگە كوشۋدى بىلتىر ناۋرىز ايىندا باستادىق. شىلدە ايىندا مينيسترلىكتەر ىسكە كىرىستى. قازىر ۇكىمەت تولىق جۇمىس ىستەپ تۇر. مەملەكەتتىك ۇيىمداردا جۇمىس ىستەيتىن تاعى 48 مىڭعا جۋىق قىزمەتكەر بىرتىندەپ كەلىپ جاتىر. حالىقتى قونىستاندىرۋ جۇمىستارى دا تۇراقتى جۇرگىزىلۋدە. ەكىنشى كەزەڭدە 1,5 ميلليون تۇرعىن جاڭا قالاعا كوشىپ كەلەدى.

www.24.kz