مينيسترلىك تانىمال ادامداردى قۇمار ويىندى جارنامالاۋدان باس تارتۋعا شاقىردى

استانا. KAZINFORM - تۋريزم جانە سپورت ۆيتسە-مينيستر ميراس تولەبايەۆ ب ا ق پەن تانىمال ادامداردى قۇمار ويىندى جارنامالاۋدان باس تارتۋعا شاقىردى.

«جاعدايدى پايدالانىپ، بۇكىل ب ا ق- تى ءوز تەلەارنالارىڭىزدا، ءوز جاڭالىق پورتالدارىڭىزدا سپورتقا ءباس تىگۋدى، بۋكمەكەرلىك كەڭسەلەردى جارنامالاۋدى توقتاتۋعا، ءوز سايتتارىڭىزدا ولاردىڭ قىزىلدى-جاسىلدى باننەرلەرىن قويۋدى توقتاتۋعا شاقىرامىن. سونداي-اق ۇيالى بايلانىس وپەراتورلارىن بونۋسى بار ءتيىمدى ۇتىس تىگۋدى ۇسىنعان SMS- تەر تاراتىپ، اكسيالاردى جارنامالاۋدى دوعارۋعا شاقىرامىن»، - دەدى ميراس تولەبايەۆ.

سونداي-اق، ول تانىمال ادامدارعا دا قايىرىلدى.

«تانىمال ادامداردىڭ بارىنەن بۋكمەكەرلىك كەڭسەلەرمەن ولاردىڭ برەندىن جارنامالاۋ تۋرالى كەلىسىمشارت جاساماۋىن سۇرايمىن. ەگەر كەلىسىمشارت جاساپ قويساڭىزدار، دەرەۋ بۇزۋعا شاقىرامىن. سانالىلىق تانىتىپ، ازاماتتىق جاۋاپكەرشىلىكتى تۇسىنۋلەرىڭىزدى سۇرايمىن. بانكتەردى ءاربىر تولەمدى تالداپ، زاڭسىز بۋكمەكەرلەر مەن ونلاين كازينولارعا جولدانعان بۇكىل ترانزاكسيالاردى بۇعاتتاۋعا شاقىرامىن. بۇكىل وقۋ ورىندارىندا قۇمار ويىننىڭ، ءباس تىگۋدىڭ زيانى تۋرالى ءتۇسىندىرۋ جۇمىستارىن جۇرگىزۋگە شاقىرامىن»، - دەدى ۆيتسە مينيستر.

اۆتور

ەسىمجان ناقتىباي