مينيسترلىك جەمقورلىق داۋىنا ۇشىراعان كومپانيا ۇلەسكەرىنىڭ «قازاۆتوجول» باسشىلىعىنا قالاي كەلگەنىن ءتۇسىندىردى
«قازاۆتوجول» ۇلتتىق كومپانياسىنىڭ باسقارما ءتوراعاسى مەيىرحات قاسىمبايەۆتىڭ شىعىس قازاقستان وبلىسىنداعى جول قۇرىلىسىنا بولىنگەن 21 ميلليارد تەڭگەنىڭ ءبىر بولىگىن ماقساتتان تىس پايدالانعان «قازگەرستروي» كومپانياسىنىڭ ۇلەسكەرى بولعانى تۋرالى مالىمەت تاراعان بولاتىن. كولىك مينيسترلىگى وسى جاعدايعا بايلانىستى تۇسىنىكتەمە بەردى، دەپ حابارلايدى قازاقپارات ءتىلشىسى.

ومبى- مايقاپشاعاي حالىقارالىق جولىنىڭ ءبىر بولىگىندەگى جەمقورلىق فاكتىسى تۋرالى جۋرناليستىك زەرتتەۋدە «قازاۆتوجول» ۇلتتىق كومپانياسىنىڭ باسقارما ءتوراعاسى مەيىرحات قاسىمبايەۆتىڭ جوباعا بولىنگەن 21 ميلليارد تەڭگەنىڭ ءبىر بولىگىن ماقساتسىز پايدالانىپ جاتقان كەزدە «كازگەرستروي» كومپانياسىنا ۇلەسكەر بولعانى ايتىلعان.
كولىك مينيسترلىگىنىڭ اتالعان ماقالاداعى دەرەكتەر تۋرالى قازاقپارات ءتىلشىسىنىڭ ساۋالىنا بەرگەن جاۋابىندا مەيىرحات قاسىمبايەۆ ۇلتتىق كومپانيا باسشىلىعىنا كەلەردەن بۇرىن ءتىيستى تەكسەرۋدەن وتكەنى ايتىلعان.
«مەيىرحات قاسىمبايەۆتى تاعايىنداۋعا قاتىستى «قازاۆتوجول» ۇ ك» اق باسقارما ءتوراعاسى لاۋازىمىنا تاعايىندالعانعا دەيىن ۇسىنىلعان قۇجاتتاردا بارلىق قاجەتتى تەكسەرۋ راسىمدەرى جۇرگىزىلدى جانە كۆازيمەملەكەتتىك سەكتورعا جۇمىسقا قابىلداۋ ءۇشىن قانداي دا ءبىر شەكتەۋلەر بولعان جوق»، - دەلىنگەن جاۋاپتا.
مينيسترلىك ماماندارى اتالعان جوبانىڭ قازىرگى احۋالى تۋرالى دا مالىمەت كەلتىرگەن.
«قالباتاۋ- مايقاپشاعاي» ۋچاسكەسىن رەكونسترۋكسيالاۋعا كەلىسىمشارت «China Xinxing Corporation» /«قازگەرستروي» ب ك» ج ش س كونسورتسيۋمىمەن جاسالدى. بۇل رەتتە «China Xinxing Corporation» كونسورتسيۋم كوشباسشىسى ءرولىن اتقاردى. كەلىسىمشارت تالاپتارىنا سايكەس، كونسورتسيۋمنىڭ جەتەكشىسى «China Xinxing Corporation» كومپانياسىنا بانك كەپىلدىگىمەن اۆانس بەرىلدى. كونسورتسيۋم جەتەكشىسى ۇسىنىلعان بانكتىك كەپىلدىككە سايكەس «قازگەرستروي» ب ك» ج ش س- ىنە اۆانس تولەدى. جوبانى جۇزەگە اسىرۋ بارىسىندا «قازگەرستروي» ب ك» ج ش س جوبا بويىنشا جۇمىستاردى ءتيىستى تۇردە جۇرگىزبەدى، جۇمىستاردى جۇرگىزۋ كەستەلەرىنەن كەشىكتىرىپ وتىردى. تيىسىنشە كونسورتسيۋم جەتەكشىلەرى «قازگەرستروي» ب ك» ج ش س- مەن كونسورتسيۋمدىق كەلىسىمدى بۇزۋ تۋرالى شەشىم قابىلدادى»، - دەپ جازىلعان مينيسترلىك مالىمەتىندە.
وسىلايشا، بىلتىر قازاقستاندىق مەردىگەر كونسورتسيۋمنان شىعارىلعان كورىنەدى.
«قۇرىلىس جۇمىستارىن ءوز كۇشىمەن اياقتاۋعا قىتايلىق «China XinXing Corporation» كومپانياسى مىندەتتەمە الدى. تولەنىپ، وڭدەلمەي قالعان اۆانسقا كەلەتىن بولساق، قازىرگى ۋاقىتتا سىبايلاس جەمقورلىققا قارسى قىزمەت «قالباتاۋ- مايقاپشاعاي» اۆتوجولىنىڭ ۋچاسكەسىن قايتا جاڭارتۋ جونىندەگى شارت شەڭبەرىندە «China Xinxing Corporation» كومپانياسىنان الىنعان اۆانستى «قازگەرستروي» ب ك» ج ش س نەگىزسىز پايدالانۋ فاكتىسى بويىنشا قىلمىستىق ءىستى تەرگەپ جاتىر.
ايتا كەتۋ كەرەك، اتالعان جەكە كومپانيالاردىڭ ءىس- ارەكەتتەرى ولاردىڭ ىشكى قارجىلىق شارۋاشىلىق قىزمەتىنە جاتادى، وعان ق ر كولىك مينيسترلىگى اۆتوموبيل جولدارى كوميتەتىنىڭ قاتىسى جوق. بۇدان بولەك، «قازگەرستروي» ب ك» ج ش س- ءنىڭ «قازاۆتوجول» ۇ ك» ا ق الدىندا قارىزى جوق جانە ونىمەن شارتتىق قاتىناستاردا ەمەس ەكەنىن اتاپ ءوتۋ ماڭىزدى»، - دەلىنگەن جاۋاپتا.
اۆتور
ەسىمجان ناقتىباي