مينيستر تابيعي اپات كەزىندە جەدەل ەسكەرتۋ جۇيەسى قالاي جۇمىس ىستەيتىنىن ءتۇسىندىردى

бағдат мусин
Фото: Kazinform

استانا. قازاقپارات - 2022-جىلدان 2023 -جىلعا دەيىن سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگى توتەنشە جاعدايلار مينيسترلىگىمەن بىرلەسىپ Cell broadcast تەحنولوگياسىن قولدانۋ ارقىلى توتەنشە جاعدايلاردا ازاماتتاردى جەدەل حابارلاۋ جۇيەسىن سىناقتان وتكىزدى.

سالا ءمينيسترى باعدات مۋسيننىڭ مالىمەتىنشە، بۇل جۇيە ءداستۇرلى SMS حابارلامالارىنان ەرەكشەلەنەتىن جاپپاي ەسكەرتۋگە باعىتتالعان جاڭا ءتاسىل بولىپ تابىلادى.

«ونىڭ ابونەنتتەرگە جولداناتىن ءبىر رەتتىك SMS ەسكەرتۋلەردەن ايىرماشىلىعى - Cell broadcast تەحنولوگياسى ميلليونداعان ازاماتتاردى بەلگىلى ءبىر اۋماقتاعى توتەنشە جاعدايلار تۋرالى دەر كەزىندە حاباردار ەتۋگە، ەسكەرتۋ حابارلاماسىن جەدەل جانە جاپپاي تاراتۋدى قامتاماسىز ەتۋگە ارنالعان. Cell broadcast جۇيەسى تابيعي اپاتتار (مىسالى، سۋ تاسقىنى، ءورت) نەمەسە تەرروريستىك جاعدايلار سياقتى توتەنشە جاعداي تۋرالى دەرەۋ حابارلاۋدى قاجەت ەتەتىن جاعدايلاردا پايدالانىلادى»، - دەدى ۆەدومستۆو باسشىسى.

ونىڭ مالىمەتىنشە، سەيسمولوگيالىق تۇراقسىز ايماقتارداعى ءبىرقاتار ەلدەر قازىردىڭ وزىندە جاپپاي ەسكەرتۋ تەحنولوگياسىن قولدانادى. مىسالى، ا ق ش- تا بۇل جۇيەنى تەستىلەۋ بىلتىر ۇلتتىق دەڭگەيدە وتكىزىلدى.

سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگى بارلىق مۇددەلى ۆەدومستۆولارعا قاراجات بولىنگەن جاعدايدا قازاقستاندا Cell broadcast جەدەل حابارلاۋ تەحنولوگياسىن ىسكە اسىرۋعا دايىن ەكەندىگى تۋرالى حابارلادى. Cell broadcast تەحنولوگياسى اقپاراتتىق جۇيەنى ازىرلەۋدى جانە بارلىق ۇيالى بايلانىس وپەراتورلارىمەن ينتەگراتسيا جاساۋدى قاجەت ەتەدى.

«بۇل جۇيەنىڭ ارتىقشىلىعى - ونى تەك جەر سىلكىنىسى كەزىندە قولدانۋ مىندەتتى ەمەس. توتەنشە جاعدايلاردىڭ باسقا تۇرلەرى بار، مىسالى، سۋ تاسقىنى، ورتتەر نەمەسە تەرروريستىك سيپاتتاعى باسقا دا جاعدايلار. مۇنداي كەزدە سول ايماقتاعى ابونەنتتەردى بولىپ جاتقان جاعداي تۋرالى جاپپاي ءبىر ۋاقىتتا حاباردار ەتۋ قاجەت. دەگەنمەن، سەيسميكالىق بەلسەندىلىكتى انىقتاۋ جۇيەسى مەن جەدەل جاپپاي ەسكەرتۋ اراسىندا ءوزارا ايىرماشىلىق بار. سەيسميكالىق بەلسەندىلىكتى انىقتاۋ جۇيەسى جەر استى دۇمپۋلەرىن انىقتاۋعا ارنالعان جابدىقتى پايدالانادى، ال جەدەل ەسكەرتۋ جۇيەسى تۇرعىنداردى جەدەل جانە جاپپاي ەسكەرتۋ ءۇشىن Cell broadcast تەحنولوگياسىن قولدانادى»، - دەپ ءتۇسىندىردى باعدات مۋسين.

دەتەكسيا جۇيەسى مەن جەدەل حابارلاۋ اراسىنداعى مۇنداي شاتاستىرۋ پىكىرىن بولدىرماۋ ءۇشىن قازىر الماتى قالاسى ت ج د اكىمدىكپەن دەتەكسيا جۇيەسىن تولىققاندى ىسكە اسىرۋ بويىنشا جۇمىس جۇرگىزۋدە. سەيسمولوگيالىق انىقتاۋ جۇيەسى دايىن بولعاننان كەيىن Cell broadcast جۇيەسىمەن مۇقيات تۇردە ينتەگراتسيا جۇرگىزۋ قاجەت. ەكى جۇيەنى تولىققاندى ىسكە اسىرۋ جانە دۇرىس ينتەگراتسيالاۋ كەزىندە، سەيسمولوگيالىق جۇيەدە دەتەكسيا پايدا بولعان كەزدە، الماتى قالاسىنىڭ بارلىق تۇرعىندارى ءۇشىن اۆتوماتتى تۇردە ەسكەرتۋ جاسالادى، سونداي- اق بۇل جۇيەنى توتەنشە جاعدايدىڭ باسقا جاعدايلارىندا دا پايدالانۋعا بولادى.

«جەدەل حابارلاۋ جۇيەسىنە بۇل ءتاسىل ءتيىستى بيۋدجەت قاراجاتىن ءبولۋ كەزىندە ىسكە اسىرۋعا ۇسىنىلادى. قاجەتتى قارجىلاندىرۋ بولعان جاعدايدا ءبىز وسى جۇيەنى ەكى اي ىشىندە تولىققاندى ىسكە اسىرۋعا دايىنبىز»، - دەدى مينيستر.

اۆتور

اسحات رايقۇل

سوڭعى جاڭالىقتار