مينيستر قازاقستاندا ا ە س سالۋعا نيەتتى ەلدەر تۋرالى: ءبارىنىڭ وسال تۇستارىن بىلەمىز
استانا. KAZINFORM - ەنەرگەتيكا ءمينيسترى الماسادام ساتقاليەۆ ۇكىمەتتىڭ كەڭەيتىلگەن وتىرىسىنان كەيىن وتكەن باسپا ءسوز ءماسليحاتىندا قازاقستاندا العاشقى ا ە س سالۋمەن اينالىساتىن كونسورتسيۋمنىڭ قۇرامى ءالى ايقىندالماعانىن ايتتى.

- وزدەرىڭىز بىلەسىزدەر، بۇل ماسەلە بويىنشا ۆەدومستۆوارالىق كوميسسيا قۇرىلعان. كونسورتسيۋمنىڭ قۇرامىن انىقتاۋ ماسەلەسى وسى كوميسسيانىڭ وكىلەتىنە كىرەدى. قازىرگى تاڭدا كونسورتسيۋم قۇرامى ءالى ايقىندالعان جوق، - دەدى ول.
ءمينيستردىڭ سوزىنشە جوباعا قاتىسۋعا ۇمىتكەرلەردىڭ وتىنىمدەرى ءالى قارالىپ بىتپەگەن.
- ءبىز ولاردىڭ ءبارىنىڭ وسال تۇستارىن بىلەمىز. بۇكىل زاۋىتتاردى ارالاپ شىقتىق. ۇكىمەت ۆەدومستۆوارالىق كوميسسيامەن بىرگە قازاقستان ەكونوميكاسىنىڭ مۇددەسىنە ساي شەشىم قابىلدايدى، - دەدى الماسادام ساتقاليەۆ.
ونىڭ پايىمداۋىنشا، ق ق س- تىڭ ءمانى بۇرمالانىپ وتىر جانە بۇل بۇرىنعى جىلدارى جۇرگىزىلگەن سالىق رەفورمالارىنىڭ سالدارى.
ەكىنشى ا ە س سالۋعا قايتادان رەفەرەندۋم وتكىزۋ كەرەك پە؟ بۇل سۇراققا ەنەرگەتيكا ءمينيسترى جاۋاپ بەردى.
ايتا كەتەيىك، 2024 -جىلى 6 -قازان كۇنى قازاقستاندىقتار العاشقى اتوم ەلەكتر ستانسياسىن سالۋ ماسەلەسى بويىنشا رەفەرەندۋمدا داۋىس بەردى.
- رەفەرەندۋم وتكىزۋدىڭ قاجەت جوق. زاڭناماعا سايكەس اتالعان ستانسيا ۇكىمەتتىڭ شەشىمى اياسىندا سالىنادى، - دەپ ناقتىلادى الماسادام ساتقاليەۆ ۇكىمەتتىڭ كەڭەيتىلگەن وتىرىسىنان كەيىنگى باسپا ءسوز ءماسليحاتىندا.
بۇدان بۇرىن حابارلانعانداي، مەملەكەت باسشىسى قاسىم-جومارت توقايەۆ العاشقى ا ە س قۇرىلىسىن تەزدەتۋدى تاپسىردى.
پرەزيدەنت ءوز سوزىندە ۇكىمەت پەن پارلامەنت ەكىنشى يادرولىق ستانسانى قاي ايماقتا سالۋ قاجەت ەكەنى جونىندە ۇسىنىس بەرۋى كەرەك ەكەنىنىن اتاپ ءوتتى.
پرەمەر- مينيستر ولجاس بەكتەنوۆ ۇكىمەتتىڭ كەڭەيتىلگەن وتىرىسىندا ەلدە سالىنۋى مۇمكىن ەكىنشى جانە ءۇشىنشى ا ە س قۇرىلىسىنا ارنالعان اۋماقتاردى انىقتاۋ جۇمىستارى اياقتالۋعا جاقىن ەكەنىن ايتقان بولاتىن.
اۆتور
رۋسلان عابباسوۆ