مينيستر: مەمورگاندار زاڭ جوباسىن ورىسشا دايىنداپ، Google-مەن اۋدارا سالادى
ادىلەت ءمينيسترى ازامات ەسقارايەۆ ۆەدومستۆودا زاڭ نورمالارىن مەملەكەتتىك تىلدە جازۋ قولعا الىنعانىن ايتتى، دەپ حابارلايدى قازاقپارات ءتىلشىسى.
«راسىندا دا مەملەكەتتىك ورگاندار زاڭ جوبالارىن ەڭ الدىمەن، ورىسشا دايىنداپ، ودان كەيىن Google Translate قوسىمشاسى ارقىلى مەملەكەتتىك تىلگە اۋدارا سالادى. ارينە، مەملەكەتتىك تىلدەگى ونداي ماتىندە قانداي ساپا بولماق؟ بۇل مۇلدەم كەلىسۋگە بولمايتىن جايت. بۇل ءوزى ءبىراز جىل بويى كوتەرىلىپ كەلە جاتقان وزەكتى ماسەلە بولىپ تۇر. سوندىقتان وسى ماسەلەنى القا ماجىلىسىندە ارنايى كوتەردىم. قازىرگى ۋاقىتتا زاڭ جوبالاۋعا باستاماشىلىق جاسايتىن مەملەكەتتىك ورگاندارعا زاڭ نورمالارىن ەڭ الدىمەن، قازاق تىلىندە جازىپ، ودان كەيىن قاجەت بولسا باسقا تىلگە اۋدارۋدى ۇسىنىپ جاتىرمىز»، - ازامات ەسقارايەۆ.
دەگەنمەن، مينيستر باسقا مەملەكەتتىك ورگاندارعا زاڭ نورمالارىن قازاق تىلىندە جازۋدى تالاپ ەتە المايتىندىقتارىن، تەك ۇسىنىس بەرەتىندىكتەرىن اتاپ ءوتتى.
«ال ادىلەت مينيسترلىگىندە قولعا الدىق. مىسالى، ءوزىمىزدىڭ ۆەدومستۆولىق توپتا قىلمىستىق كودەكسكە، قىلمىستىق- پروتسەسسۋالدىق كودەكسكە وزگەرتۋلەر ەنگىزۋدى مەملەكەتتىك تىلدە ازىرلەۋدى قولعا الىپ وتىرمىز»، - دەدى ول.
ايتا كەتەيىك، ەلوردادا زاڭناما جانە قۇقىقتىق اقپارات ينستيتۋتىنىڭ 30 جىلدىعىنا ارنالعان حالىقارالىق عىلىمي- تاجىريبەلىك كونفەرەنسيا ءوتىپ جاتىر.
اۆتور
مارلان جيەمباي
