مينيستر ارالدى سۋعا تولتىراتىن التاي اينابەك تۋرالى: بۇعان كوپ سەنە بەرۋگە بولمايدى

استانا. KAZINFORM - ەكولوگيا جانە تابيعي رەسۋرستار ءمينيسترى ەرلان نىسانبايەۆ «جاڭبىر ادامى» التاي اينابەكتىڭ ارالدىڭ ارناسىن جاڭبىر شاقىرۋ ءتاسىلى ارقىلى قالپىنا كەلتىرۋ جوباسى تۋرالى پىكىر ءبىلدىردى.

ۇكىمەت وتىرىسىنان كەيىن وتكەن باسپا ءسوز ءماسليحاتىندا ب ا ق وكىلى التاي اينابەكتىڭ الەۋمەتتىك جەلىدە كوپ تالقىلانىپ جۇرگەن جوباسىنا مينيسترلىك قانداي باعا بەرەتىنىن سۇرادى.

«بىرىنشىدەن، بۇل كۇندەرى ءبىزدىڭ قازگيدرومەتتىڭ بولجامى بويىنشا جاڭبىر جاۋۋ كەرەك بولاتىن. ماسەلەن، مىناۋ العاشقى 10 كۇنگە بەرىلگەن بولجام ءار كەز وتە ناقتى بولادى. ەكىنشىدەن، دۇنيە جۇزىندەگى وسى ماسەلەمەن اينالىساتىن عالىمدار دا، مەكەمەلەر دە يونداۋ تاسىلىنە كۇمانمەن قاراپ وتىر. بۇل ءوزى - بىلاي ادام سەنىڭكىرەمەيتىن، ءارى ناقتى دالەلى جوق ءتاسىل. ارال وڭىرىندەگى جاڭبىر تۋرالى ايتساق، ارينە ءبىز قىزىعۋشىلىق تانىتىپ، قازگيدرومەت ماماندارىن شاقىرىپ قارادىق. سينوپتيك بولجامى بويىنشا سول كۇندەرگە جاڭبىر بەلگىلەنگەن. سول سەبەپتەن دۇنيەجۇزىندەگى عالىمداردىڭ ۇستانىمىمەن ايتساق، بۇعان كوپ سەنە بەرۋگە بولمايدى»، - دەدى ە. نىسانبايەۆ.

ەسكە سالا كەتەيىك، سوڭعى كۇندەرى التاي اينابەك اتتى عالىم ارال تەڭىزىن سۋعا تولتىرۋ ءۇشىن جاڭبىر شاقىرىپ، ەڭبەكتەنىپ جاتقانىن ايتىپ، الەۋمەتتىك جەلىدە تانىمال بولعان ەدى.

اۆتور

ەسىمجان ناقتىباي