مىڭداعان ميگرانت ترامپ سايلانعانعا دەيىن ا ق ش-قا كىرۋگە باعىت الدى
استانا. KAZINFORM - مىڭداعان بوسقىن مەكسيكادان ا ق ش شەكاراسىنا قاراي باعىت الدى. بۇل تۋرالى 24.kz جازدى.
ولاردىڭ دەنى - ايەلدەر مەن بالالار. رەيتەر اگەنتتىگى وسىلاي دەپ حابارلادى. ولاردىڭ ايتۋىنشا، بوسقىندار كوشى مەكسيكانىڭ سولتۇستىك شەكاراسىنان باستالعان. پوليتسيا مەن ۇلتتىق گۆارديا ولاردىڭ قاۋىپسىزدىگىن قامتاماسىز ەتەدى.
ميگرانتتار ا ق ش- تىڭ جاڭادان سايلانعان پرەزيدەنتى دونالد ترامپ قىزمەتىنە كىرىسكەنگە دەيىن شەكارادان وتۋگە نيەتتى. جاڭا پرەزيدەنت تاققا وتىرسا، امەريكاعا ءوتۋ شەكتەلە مە دەپ قاۋىپتەنەدى. بۇعان دەيىن ترامپ زاڭسىز كوشى-قونعا قارسى جارلىققا قول قوياتىنىن مالىمدەگەن ەدى. باستاما ىسكە اسسا، شامامەن 20 ميلليون بوسقىن امەريكادان قۋىلۋى مۇمكىن.
ەسكە سالا كەتەيىك، دونالد ترامپ جەڭىسكە جەتسە تاريحتا بولماعان ءىرى دەپورتاتسيا وپەراتسياسىن باستاۋعا ۋادە بەرگەن ەدى.
كەيىن ءتىپتى ترامپتىڭ جاپپاي دەپورتاتسيالاۋى 86 ميلليارد دوللارعا باعالانعان بولاتىن.
