موبيلدى اۋدارىم ماسەلەسىن قايتا قارايمىز - ۆيتسە-پرەمەر
استانا. KAZINFORM - پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ موبيلدى اۋدارىمداردى تەكسەرۋ ماسەلەسىن قايتا پىسىقتايتىندارىن ايتتى.
«بۇل - وتە وزەكتى ماسەلە. سوندىقتان ماعان ونى تاعى ءبىر رەت قاراۋ تۋرالى تاپسىرما بەرىلگەن. ءبىز قارجىلىق-ەكونوميكالىق بلوكتىڭ ىشىندە بۇل ماسەلەنى قاراستىرامىز. ولشەم شارتتارىن، تەتىكتەرىن ءالى دە ەگجەي-تەگجەيلى قارايمىز. بۇل سۇراققا قايتا ورالامىز»، - دەدى ول ۇكىمەت وتىرىسىنان كەيىن جۋرناليست سۇراعىنا بەرگەن جاۋابىندا.
جاۋاپتى تولىقتىرعان قارجى ءمينيسترى ءمادي تاكيەۆ موبيلدى اۋدارىمداردى تەكسەرۋ ءبارى ءبىر قالاتىنىن مەڭزەدى.
«موبيلدى اۋدارىمدار قالادى. ءبىراق ءالى قارايمىز. جەكە كاسىپكەردى قالاي انىقتايسىز؟ تاعى دا ايتايىن، ءبىز قۇقىقتىق مەملەكەتپىز. ادىلەتتى مەملەكەتپىز، دۇرىس پا؟ ءسىز بەن ءبىز وسى زاڭنىڭ ساقتالۋىن قاراۋىمىز كەرەك. بىرەۋلەر تولەيدى، بىرەۋلەر تولەمەيدى. ادىلدىك بولۋ كەرەك. ياعني، ءبارى سالىق تولەۋ كەرەك. ءبىراق اركىمنىڭ ءوز مولشەرى بولاتىنى تۇسىنىكتى.
سوندىقتان ءبىز ءتۇرلى رەجيمدەردى قاراستىرىپ جاتىرمىز. وسى رەجيمدەر ارقىلى سالىق جۇيەسى قالاي جۇمىس ىستەيتىنىن ويلاستىرىپ جاتىرمىز. بۇل ءبارىن ءبىر ارناعا تىقسىرىپ تاستاۋ دەگەن ءسوز ەمەس»، - دەدى مينيستر.
اۆتور
ەسىمجان ناقتىباي
