«مەنىڭ ءپىرىم -ءسۇيىنباي» حالىقارالىق جاس اقىندار ايتىسىنىڭ جەڭىمپازدارى انىقتالدى
الماتى. KAZINFORM - اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ۇيىمداستىرۋىمەن «مەنىڭ ءپىرىم - ءسۇيىنباي» ءداستۇرلى VIII حالىقارالىق جاس اقىندار ايتىسى ءوتتى.
جاس اقىندار ايتىسىنىڭ ماقساتى - ايتىس ونەرىن جاستار اراسىندا كەڭىنەن ناسيحاتتاۋ، اقىندىق ءداستۇردى جاڭعىرتۋ، جاس اقىنداردىڭ قابىلەتى مەن شەشەندىك ونەرىن شىڭداۋ، ولاردىڭ كوپشىلىككە تانىلۋىنا مۇمكىندىك جاساۋ، ءتول ونەرىمىزدى دارىپتەۋ.
جىل سايىن ءداستۇرلى تۇردە وتەتىن جىر دوداسىنا ەلىمىزدەگى ج و و- لاردان جاس جۇيرىكتەر جانە قىرعىزستان، موڭعوليا، وزبەكستاننان كەلگەن جالپى سانى 40-قا جۋىق اقىن قاتىستى.
بيىل قازاقتىڭ «ءۇش بايتەرەگى» ساكەن سەيفۋللين، ءىلياس جانسۇگىروۆ، بەيىمبەت مايليننىڭ 130 جىلدىعىنا ارنالعان الامان ايتىستىڭ باس جۇلدەسىن (500000 تەڭگە) - الكەي مارعۇلان اتىنداعى پەداگوگيكالىق ۋنيۆەرسيتەتتىڭ ستۋدەنتى قايداروۆ بەكسۇلتان الدى.
ال 1- ورىندى - موڭعوليا ەلىنىڭ جاس جۇيرىگى اديلحان ىڭكاربەك (400000 تەڭگە)، Ⅱ ورىندى - (300000 تەڭگە) قازاق ۇلتتىق ونەر ۋنيۆەرسيتەتىنىڭ ستۋدەنتى قونارباي مۇحتار مەن قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتى ەرجىگىت ديلناز يەلەندى.
Ⅲ ورىندى (200000 تەڭگە) - قىرعىزستاننىڭ جاس اقىنى قالىبەك ۇلى ىرىسكەلدى مەن قازاق ۇلتتىق ونەر ۋنيۆەرسيتەتىنىڭ ستۋدەنتى ومىربەكوۆ نۇرداۋلەت جانە كاسپي ءوڭىرى بولاشاق كوللەدجىنىڭ ستۋدەنتى اليەۆ جانبولات قانجىعاسىنا بايلادى.
ودان بولەك، تەمىرحان تەبەگەنوۆ اتىنداعى ارنايى جۇلدەنى ى. التىنسارين اتىنداعى ارقالىق پەداگوگيكالىق ينستيتۋتىنىڭ ستۋدەنتى اقىلجانوۆ اسەت، ورازالى دوسبوسىنوۆ اتىنداعى ارنايى جۇلدەنى وزبەكستاننىڭ جاس جۇيرىگى قوجامۇراتوۆ رينات، ەسەنقۇل جاقىپبەك اتىنداعى ارنايى جۇلدەنى قازاق ۇلتتىق ونەر ۋنيۆەرسيتەتىنىڭ ستۋدەنتى ەرگالييەۆ اليحان الدى.
ەرىك اسقاروۆ اتىنداعى ارنايى جۇلدەنى ءو. جانىبەكوۆ اتىنداعى و ق پ ۋ ۋنيۆەرسيتەتىنىڭ ستۋدەنتى ءساۋىرحان سۇلتان، اسەلحان قالىبەكوۆا اتىنداعى ارنايى جۇلدە قورىن قازاق ۇلتتىق ونەر ۋنيۆەرسيتەتىنىڭ ستۋدەنتى تولەنبەك نۇرتىلەۋ، جارقىنبەك ناۋشابەكوۆ اتىنداعى ارنايى جۇلدەنى شاكارىم ۋنيۆەرسيتەتىنىڭ ستۋدەنتى ەركىن ۇلى قۋانىش، قونىسباي ءابىلوۆ اتىنداعى ارنايى جۇلدەنى ءا. مارعۇلان اتىنداعى پەداگوگيكالىق ۋنيۆەرسيتەتىنىڭ ستۋدەنتى تاۋەكەلوۆ نۇرسەرىك، ازىمبەك جانقۇليەۆ اتىنداعى ارنايى جۇلدەنى م. دۋلاتي اتىنداعى تاراز وڭىرلىك ۋنيۆەرسيتەتىنىڭ ستۋدەنتى باتەي ايات يەلەندى.
ق ر مادەنيەت قايراتكەرى، زەينوللا سانىك اتىنداعى مادەنيەت قورىنىڭ جۇلدەلەرىن اباي اتىنداعى قاز ۇ پ ۋ ستۋدەنتتەرى داياربەك سانجار مەن ساۋلەت نۇرشاپاعات يەلەنسە، «دارا دارىن» جوباسىنىڭ ارنايى جۇلدەسىن وزبەكستاننىڭ اقىنى قوجامۇراتوۆ رينات، وزبەكالى جانىبەكوۆ اتىنداعى ارنايى جۇلدەنى قازاق ۇلتتىق ونەر ۋنيۆەرسيتەتىنىڭ ستۋدەنتى كادىرباي باتىرجان الدى.
«الاتاۋ» ءداستۇرلى ونەر تەاترىنىڭ قولداۋىمەن، «ASSYLTAS» قوعامدىق قورىنىڭ قۇرىلتايشىسى دۋلات تاستەكەيەۆتىڭ دەمەۋشىلىگىمەن وتكەن ەكى كۇندىك ءىس-شاراعا ق ر ەڭبەك سىڭىرگەن قايراتكەرى، «وتان» وردەنىنىڭ يەگەرى، «ايتىس اقىندارى مەن جىرشى-تەرمەشىلەردىڭ حالىقارالىق وداعى» ر ق ب باسقارما ءتوراعاسى ءجۇرسىن ەرمان، ق ر پارلامەنتى ءماجىلىسىنىڭ دەپۋتاتى، ق ر ەڭبەك سىڭىرگەن قايراتكەرى، بەلگىلى ايتىسكەر اقىن امانجول التايەۆ، ق ر مادەنيەت قايراتكەرى، بەلگىلى ايتىسكەر اقىن سەرىك قاليەۆ، التىن دومبىرا يەگەرى، ايتىستىڭ اقتاڭگەرى ەركەبۇلان قاينازاروۆ، فيلولوگيا عىلىمدارىنىڭ دوكتورى، پروفەسسور بالتاباي ءابدىعازي ۇلى قازىلىق ەتتى.
ال ءسوز بايگەسىن ايتىسكەر اقىن، و. دوسبوسىنوۆ اتىنداعى اقىندار مەكتەبىنىڭ جەتەكشىسى شۇعايىپ سەزىمحان ۇلى جۇرگىزدى.
اۆتور
ەلميرا ورالبايەۆا
