مەنشىگى تالان-تاراجعا تۇسكەن ءبىلىم ورداسىنا قاتىستى ساراپتاما جۇمىستارى جۇرگىزىلىپ جاتىر

استانا. قازاقپارات- قازاق ۇلتتىق اگرارلىق زەرتتەۋ ۋنيۆەرسيتەتىنىڭ مەنشىگى شيرەك عاسىر بۇرىن تالان-تاراجعا تۇسكەن. وقۋ ورداسىنىڭ 3 جاتاقحاناسى، 5 زەرتحانالىق ءىرى نىسانى مەن 6 گەكتار جەرى بەلگىسىز سەبەپتەرمەن جەكە ادامداردىڭ قولىنا ءوتىپ كەتكەن.

بۇل تۋرالى الماتىدا وتكەن سىبايلاس جەمقورلىققا قارسى كۇرەس رەسپۋبليكالىق كەڭەسى وتىرىسىندا ايتىلدى. «كۇماندى ءىستىڭ ارتىندا سىبايلاس جەمقورلىق ارەكەتى مەنمۇندالاپ تۇرعانى انىق» دەيدى ءماجىلىس دەپۋتاتى ەرلان سايروۆ.

ەندى بەيمالىم ازاماتتارعا وتكەن جەرلەردى قايتارۋ ماقساتىندا باس پروكۋراتۋرا مەن سىبايلاس جەمقورلىققا قارسى ءىس-قيمىل اگەنتتىگى «امانات» پارتياسىمەن بىرلەسىپ، بىلتىردان بەرى تەرگەۋ امالدارىن جۇرگىزىپ كەلەدى. ال قازىرگى ۋاقىتتا ساراپتاما جۇمىستارى جۇرگىزىلۋدە دەيدى ماماندار.

ديدار سماعۇلوۆ، «Amanat» پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق كەڭەستىڭ مۇشەسى:

- قازىر وسى عيماراتتاردى، مۇلىكتەردى تارتىپ العان ازاماتتاردىڭ اقشاسى، تانىستارى جەتەدى جانە جاۋاپكەرشىلىكتەن قاشۋ مۇمكىندىگى وتە جوعارى. سوندىقتان ونى بولدىرماس ءۇشىن ءبىز قازىر پارتيالىق باقىلاۋدى ۇيىمداستىرىپ، ناتيجەسىندە قانشا ادام جاۋاپكەرشىلىككە تارتىلادى سوتپەن ءبىز ونى سالىستىرامىز. ويتكەنى وتە ماڭىزدى. مىسالى، عيماراتتاردى تارتۋ، جاتاقحانالاردى تارتۋ ول تەك عانا ستۋدەنتتەردىڭ جاعدايىنا اسەرىن تيگىزبەي، جالپى اگرارلىق عىلىمعا دامىتۋعا مۇمكىندىك بەرمەيدى.