مەملەكەتتىك تەلەارنالار نەلىكتەن UFC تۋرنيرلەرىن كورسەتپەيدى

الماتى. KAZINFORM - بىلتىر 8 -جەلتوقسان كۇنى UFC 310 تۋرنيرىندە وتانداسىمىز شاۆكات راحمونوۆ باق سىناپ، جەڭىسكە جەتتى.

Мемлекеттік телеарналар неліктен UFC турнирлерін көрсетпейді
Фото: UFC инстаграм парақшасынан

 جارىس كۇنى قازاقستاندىق كورەرمەندەر الەۋمەتتىك جەلىدە UFC جەكپە-جەكتەرى بارلىعىنا قولجەتىمدى مەملەكەتتىك ارنالاردا، ونىڭ ىشىندە Qazsport ارناسىندا كورسەتىلمەگەنىنە نارازىلىعىن ءبىلدىردى.

وسى ورايدا، Kazinform اگەنتتىگى مادەنيەت جانە اقپارات مينيسترلىگىنەن مەملەكەتتىك تەلەارنالارداعى ترانسلياتسيا ماسەلەسىنە بايلانىستى ساۋال جولدادى.

Шавкат Рахмонов
Коллаж: Kazinform

- UFC ۇيىمىنىڭ قامقورلىعىمەن وتەتىن جەكپە-جەكتەردىڭ (م م ا) قازاقستان اۋماعىنداعى ترانسلياتسيا قۇقىعى «Setanta Sports» كومپانياسىنا تيەسىلى. ايتا كەتۋ كەرەك، UFC ترانسلياتسيا قۇقىعىن بىرنەشە ماۋسىمعا تەندەر ارقىلى ساتادى. سونىمەن قاتار ۇيىم قازاقستاندىق سپورتشىلاردىڭ قاتىسۋىمەن وتەتىن جەكپە- جەكتەردىڭ ترانسلياتسيا قۇقىعىن بولەك ساتپايدى، - دەپ حابارلادى ۆەدومستۆودان.

سونداي-اق مادەنيەت جانە اقپارات مينيسترلىگىنىڭ جاۋابىنا سايكەس، وتاندىق Qazsport تەلەارناسى قالىپتاسقان جاعدايدى شەشۋ جولىن ىزدەپ، راحمونوۆتىڭ جەكپە-جەگىن مەملەكەتتىك تەلەارنا ەفيرىندە كورسەتۋ تۋرالى قۇقىق يەسىنە ۇسىنىس جاساعان. الايدا «Setanta Sports» بۇل جەكپە- جەكتى تەك ءوزىنىڭ قازاقستاندىق كابەلدىك تەلەارناسىندا، سونىمەن قاتار قوسىمشاسى ارقىلى كورسەتۋگە نيەت ءبىلدىردى.

ufc
Фото: instagram.com / ufc

سپورت جۋرناليسى ءارى Youtube جەلىسىندەگى تانىمال سپورتتىق ارنانىڭ جۇرگىزۋشىسى پەتر ۆوليكوۆ قازىرگى ۋاقىتتا قازاق سپورتشىلارىنىڭ جەكپە-جەكتەرىن كورۋ ءۇشىن ترانسلياتسيا ىزدەيتىن قازاقستاندىقتاردىڭ ءالى دە بار ەكەنىن ايتتى.

- مەملەكەتتىك تەلەارنالاردا UFC تۋرنيرلەرىن كورسەتۋ ماڭىزدى. سەبەبى كورەرمەندەر شاۆكات، اسۋ، بەكزات، ماقسۇم جانە وزگە دە جەرلەستەرىمىزدىڭ جەكپە-جەكتەرىنە ترانسلياتسيا تاپپاي قينالعاندارى تۋرالى ءجيى ايتادى. 1 جىل بۇرىن جارىس كۇنى، مىسالى شاۆكات شىعاتىن كەزدە ترانسلياتسياعا سىلتەمە سۇرايتىندار وتە كوپ ەدى. Setanta Sports تەلەارناسى UFC تۋرنيرلەرىنە كورسەتە باستاعالى، جەكپە-جەكتى قايدان كورۋگە بولاتىنىن سۇرايتىن ادامدار ازايدى. ءبىراق مۇلدەم جوق ەمەس، ونداي ادامدار ءالى دە بار. ەگەر Qazsport تەلەارناسى كورسەتكەندە بۇل جەڭىلىرەك بولار ەدى، - دەيدى سپورت ساراپشىسى.

Мемлекеттік телеарналар неліктен UFC турнирлерін көрсетпейді
Фото: UFC инстаграм парақшасынан

پەتر ۆوليكوۆ UFC ۇيىمىنىڭ جەكپە-جەكتەرى مەن جالپى م م ا سپورتىنا قازاقستاندىق كورەرمەندەردىڭ قىزىعۋشىلىعى نە سەبەپتى ارتقانىنا توقتالدى.

- مەنىڭشە، ارالاس جەكپە-جەككە دەگەن قىزىعۋشىلىق كەشە عانا پايدا بولعان جوق، ول بۇرىن دا بولدى. مىسالى، كاسىبي سپورتشىلار مەن م م ا جانكۇيەرلەرىنىڭ كوبىسى ارالاس جەكپە-جەكتى Pride ۇيىمىنىڭ زامانىنان كورە باستاعانىن ايتادى. UFC پايدا بولعاننان كەيىن نازار سوندا قاراي اۋىستى. قازىر جانكۇيەرلەر قاتارى كوبەيىپ كەلەدى. بۇل شاۆكات جانە وزگە دە سپورتشىلارىمىزدىڭ UFC- دەگى جەڭىستەرىنە بايلانىستى بولىپ وتىر، - دەيدى ول.

ەسكە سالايىق، بۇگىندە UFC ۇيىمىندا 6 قازاقستاندىق فايتەر بار. ولار: شاۆكات راحمونوۆ، اسۋ المابايەۆ، بەكزات الماحان، ازات ماقسۇم، نيكولاي ۆەرەتەننيكوۆ جانە ديار نۇرعوجا. بۇدان بولەك الەمدىك پروموۋشندە جالعاس جۇماعۇلوۆ، سەرگەي موروزوۆ جانە ماريا اگاپوۆا بۇرىن ونەر كورسەتتى. ودان بولەك رەسەيلىك قانداسىمىز دامير ىسماعۇلوۆ تا UFC- دە قازاقستان تۋىمەن شىقتى.

ايتا كەتەيىك، 6 وتانداسىمىزدىڭ ىشىندە ەكەۋى UFC رەيتينگىنە كىرەدى. راحمونوۆ كەيىنگى جەكپە-جەگىندە يەن گەرريدى جەڭگەننەن كەيىن جارتىلاي ورتا سالماقتا 2-ورىنعا كوتەرىلدى.

ال بىلتىر قازان ايىندا UFC Fight Night 245 تۋرنيرىندە برازياليالىق ماتەۋس نيكولاۋدى جەڭگەن اسۋ المابايەۆ ەڭ جەڭىل سالماقتاعى سپورتشىلار تىزىمىندە 7-ورىنعا كوتەرىلىپ، كەيىن 8-ورىنعا ءتۇستى.

ەندى 1 -ناۋرىز كۇنى وتەتىن UFC Vegas 103 تۋرنيرىندە اسۋ المابايەۆ اۋستراليالىق ستيۆ ەرتسەگپەن كەزدەسەدى.

ال شاۆكات راحمونوۆ 2025 -جىلدىڭ ىشىندە جارتىلاي ورتا سالماقتاعى UFC چەمپيونى بەلال مۇحاممادپەن جەكپە- جەك وتكىزەدى دەپ جوسپارلانعان.

اۆتور

دوسبول اتاجان

سوڭعى جاڭالىقتار