مەملەكەتتىك قىزمەتشى جەمقورلىق جاساسا كىم وتستاۆكاعا كەتۋ كەرەك - اگەنتتىك جاۋابى

жемқорлық
Фото: Kazinform

استانا. KAZINFORM - مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى سالاۋات مۇكسىموۆ مەملەكەتتىك قىزمەتشىلەردىڭ جەمقورلىققا بارعانى ءۇشىن جوعارى باسشىلاردىڭ وتستاۆكاعا كەتۋ رەتىن تاعى ءبىر ءتۇسىندىردى.

بىزدە سىبايلاس جەمقورلىق ءىسى بويىنشا جاۋاپكەرشىلىك ينستيتۋتى بار. جەمقورلىق فاكتىسى بولسا ونى مەملەكەتتىك قىزمەتتىڭ تۇرىنە بايلانىستى اجىراتۋ كەرەك. ەگەر ماسەلە مەملەكەتتىك قىزمەتشىلەردىڭ، ياعني اكىمشىلىك لاۋازىمداعى باسشىلاردىڭ جاۋاپكەرشىلىگىنە قاتىستى بولسا، وندا قۇقىقتىق جاۋاپكەرشىلىك قاراستىرىلعان. بۇل جەردە ەكى تەرمين بار. بىرىنشىدەن، سوت ۇكىمىنىڭ زاڭدى كۇشىنە ەنۋى، ەكىنشىدەن، باسشىنىڭ ءوزى سىبايلاس جەمقورلىققا قارسى ءىس-قيمىل شارالارىن قابىلداماۋ مەن بولعان قىلمىستىق ءىس- ارەكەت اراسىنداعى سەبەپ-سالدارلىق بايلانىس. سونىمەن قاتار، ساياسي قىزمەتشىلەردىڭ دە جاۋاپكەرشىلىگى دە بار. بۇل جەردە قۇقىقتىق نورمامەن قاتار، ساياسي جاۋاپكەرشىلىكتە بار»، - دەدى سالاۋات مۇكسىموۆ و ك ق- دە وتكەن بريفينگىدە.

ونىڭ ايتۋىنشا، ساياسي قىزمەتشى جەمقورلىق جاساپ، وعان سوت ۇكىمى شىققان كەزدە باسشى وتستاۆكاعا كەتەدى.

«ەگەر اكىمشىلىك قۇرىلىمنىڭ (باسقارما، دەپارتامەنت تاعى باسقا) باسشىسىنىڭ جەمقورلىق ارەكەتى تۋرالى ايتاتىن بولساق، وندا جەتەكشىلىك ەتەتىن اكىم ورىنباسارىنا جاۋاپكەرشىلىگى قاراستىرىلادى. الدىمەن ءىستىڭ ءمان-جايىن زەرتتەۋ قاجەت، ويتكەنى وتستاۆكاعا كەتۋدىڭ بەلگىلى ءبىر شارتتارى بار. ءار جاعدايدى جەكە قاراۋ ماڭىزدى»، - دەيدى ول.

اۆتور

داۋلەت ىزتىلەۋ

سوڭعى جاڭالىقتار