14:37, 09 - مامىر 2025 | GMT +5
مەملەكەتتىك كەڭەسشى ەرلان قارين ءاليا مولداعۇلوۆانىڭ ەسكەرتكىشىنە گۇل شوعىن قويدى
استانا. KAZINFORM - مەملەكەتتىك كەڭەسشى ەرلان قارين ۇلى جەڭىستىڭ 80 جىلدىعىنا ارنالعان جالپى ۇلتتىق ءىس-شارالار اياسىندا كەڭەس وداعىنىڭ باتىرى ءاليا مولداعۇلوۆانىڭ ەسكەرتكىشىنە گۇل شوعىن قويدى. بۇل تۋرالى اقوردا ءمالىم ەتتى.
جيىنعا ۇلتتىق قۇرىلتايدىڭ جانە جاستار ساياساتى جونىندەگى كەڭەستىڭ ءبىرقاتار مۇشەسى قاتىستى.
بيىل ەلىمىز ءاليا مولداعۇلوۆانىڭ 100 جىلدىق مەرەيتويىن اتاپ ءوتىپ جاتىر.
ەرلان قارين سالتاناتتى راسىمدە پرەزيدەنت تاپسىرماسىنا سايكەس وسىناۋ اتاۋلى داتاعا وراي كوپتەگەن ءىس-شارا جوسپارلانعانىن جەتكىزدى.
اتاپ ايتقاندا، ۇلى جەڭىستىڭ 80 جىلدىعىنا جانە ءاليا مولداعۇلوۆانىڭ 100 جىلدىعىنا وراي جاستار اراسىندا حالىقارالىق «ايبىن» اسكەري-پاتريوتتىق جيىنى وتەدى.
