21:55, 19 - قاراشا 2024 | GMT +5
مەملەكەت باسشىسىنىڭ سەربياعا رەسمي ساپارى اياقتالدى
بەلگراد. KAZINFORM - بەلگراد اۋەجايىنان قاسىم-جومارت توقايەۆتى سەربيا پرەمەر-ءمينيسترى ميلوش ۆۋچيەۆيچ شىعارىپ سالدى. بۇل تۋرالى اقوردانىڭ باسپا ءسوز قىزمەتى مالىمدەدى.
بۇعان دەيىن حابارلاعانىمىزداي، سەربيا سارايىنىڭ الدىنداعى الاڭدا مەملەكەت باسشىسى قاسىم-جومارت توقايەۆتى رەسمي قارسى الۋ ءراسىمى ءوتتى.
كەيىننەن مەملەكەت باسشىسى سەربيا پرەزيدەنتىمەن كەڭەيتىلگەن قۇرامدا كەلىسسوز جۇرگىزدى.
الەكساندر ۆۋچيچ بەلگراد قازاقستانمەن ەكونوميكالىق ىقپالداستىقتى ودان ءارى تەرەڭدەتۋگە نيەتتى ەكەنىن اتاپ ءوتتى.
سونىمەن قاتار، جوعارى دەڭگەيدەگى كەلىسسوزدەردەن كەيىن قازاقستان مەن سەربيا پرەزيدەنتتەرى بۇقارالىق اقپارات قۇرالدارى وكىلدەرىنە ارناپ بريفينگ وتكىزدى.
بۇدان بولەك، پرەزيدەنتتىڭ سەربياعا رەسمي ساپارى اياسىندا 10 قۇجاتقا قول قويىلدى.
