مەملەكەت باسشىسىنا «قىزىلوردا - جەزقازعان» اۆتوجولىن سالۋ جۇمىسى تۋرالى مالىمەت بەرىلدى

Президент
Фото: Фото: Ақорда

مەملەكەت باسشىسىنا « قىزىلوردا - جەزقازعان» اۆتوجولىن سالۋ بارىسى تۋرالى مالىمەت بەرىلدى، دەپ حابارلايدى Kazinform اگەنتتىگى اقوردانىڭ باسپا ءسوز قىزمەتىنە سىلتەمە جاساپ.

بۇگىندە قىزىلوردا وبلىسىنىڭ اۋماعىنا تيەسىلى 216 شاقىرىم جولدىڭ 104 شاقىرىمى جاسالدى.

سونىمەن قاتار پرەزيدەنتكە «باتىس ەۋروپا - باتىس قىتاي» حالىقارالىق ءدالىزىنىڭ قىزىلوردا قالاسىنان اقتوبە وبلىسىنىڭ شەكاراسىنا دەيىنگى ارالىعىن (566 ك م) 1- ساناتتاعى 4 جولاقتى جولعا اۋىستىرۋ جوسپارلانىپ وتىرعانى تۋرالى مالىمەت بەرىلدى. وسى رەتتە اتالعان باعىتتاعى جۇمىستاردىڭ جوبالىق- سمەتالىق قۇجاتتامالارىن ازىرلەۋ كەلەسى جىلدان باستالادى.

مەملەكەت باسشىسى قازىرگى جول شىن مانىندە، وتە تار ەكەنىن اتاپ ءوتىپ، ونى كەڭەيتۋ جۇمىستارىن تەزىرەك باستاۋ قاجەتتىگىنە نازار اۋداردى.

پرەزيدەنت پرەمەر- ءمينيستردىڭ ءبىرىنشى ورىنباسارى رومان سكليارعا ماسەلەنى باقىلاۋعا الۋ جونىندە تاپسىرما بەردى. بۇعان قوسا، پرەزيدەنتكە قىزىلوردا وبلىسى اكىمىنىڭ ورىنباسارى، قازاقستان پرەزيدەنتىنىڭ «بايقوڭىر» كەشەنىندەگى ارناۋلى وكىلى قايرات نۇرتاي كوسمودروم قالاشىعىنداعى احۋال تۋرالى باياندادى.

قاسىم- جومارت توقايەۆ قالانى الەۋمەتتىك- ەكونوميكالىق تۇرعىدان دامىتۋ ءۇشىن رەسەي تاراپىمەن تىعىز قارىم- قاتىناستا جۇمىس ىستەۋ قاجەت ەكەنىنە نازار اۋداردى.

اۆتور

ەلميرا ورالبايەۆا

سوڭعى جاڭالىقتار