مەملەكەت باسشىسى وزبەكستان پرەزيدەنتىمەن تەلەفون ارقىلى سويلەستى
استانا. KAZINFORM - اڭگىمەلەسۋ بارىسىندا قاسىم- جومارت توقايەۆ شاۆكات ميرزيەۆتى تۋعان كۇنىمەن قۇتتىقتاپ، وعان باق-بەرەكە جانە وزبەكستان حالقىنىڭ يگىلىگى جولىنداعى جاۋاپتى قىزمەتىنە تابىس تىلەدى.
قاسىم- جومارت توقايەۆ قازاقستان مەن وزبەكستان اراسىنداعى دوستىق، تاتۋ كورشىلىك جانە وداقتاستىق قاتىناستارىن نىعايتۋعا شاۆكات ميرزيەۆتىڭ قوسقان زور ۇلەسىن جوعارى باعالايتىنىن جەتكىزدى.
پرەزيدەنتتەر ەكىجاقتى ءوزارا ىقپالداستىقتىڭ جوعارى قارقىنىن اتاپ ءوتىپ، ساۋدا- ەكونوميكالىق، كولىك- لوگيستيكالىق، ەنەرگەتيكالىق جانە مادەني- گۋمانيتارلىق سالالارداعى ىنتىماقتاستىقتى ارتتىرۋدىڭ پەرسپەكتيۆالارىن تالقىلادى.
تاراپتار ايماقتىق جانە حالىقارالىق كۇن تارتىبىندەگى وزەكتى ماسەلەلەردى قاراستىردى. سونداي-اق جوعارى دەڭگەيدەگى بايلانىستاردىڭ الداعى كەستەسىن پىسىقتادى.
اۆتور
ابىلايحان جۇماشيەۆ
