مەملەكەت باسشىسى سينگاپۋر پرەزيدەنتىنىڭ سارايىنا باردى
استانا. KAZINFORM - قاسىم- جومارت توقايەۆتى پرەزيدەنت تارمان شانمۋگاراتنام قارسى الدى، دەپ حابارلايدى اقوردانىڭ باسپا ءسوز قىزمەتى.
قازاقستان مەن سينگاپۋردىڭ ءانۇراندارى شىرقالىپ، قۇرمەت قاراۋىلىنىڭ باستىعى مەملەكەتتەر باسشىلارىنا راپورت بەردى.
سودان سوڭ قازاقستان پرەزيدەنتى سينگاپۋر پرەزيدەنتىنىڭ Istana سارايىنداعى قۇرمەتتى قوناقتار كىتابىنا قولتاڭبا قالدىردى. ەكى ەل باسشىلارى ءبىر- بىرىنە رەسمي دەلەگاتسيا مۇشەلەرىن تانىستىردى.
سالتاناتتى راسىمنەن كەيىن قاسىم-جومارت توقايەۆ پەن تارمان شانمۋگاراتنام كەلىسسوز وتەتىن زالعا باردى.
وسىعان دەيىن مەملەكەت باسشىسىىنىڭ 23-24-مامىر كۇندەرى پرەزيدەنت تارمان شانمۋگاراتنامنىڭ شاقىرۋىمەن سينگاپۋر رەسپۋبليكاسىنا مەملەكەتتىك ساپارمەن باراتىنىن حابارلادىق.
ساپار اياسىندا قاسىم-جومارت توقايەۆ سينگاپۋردىڭ جوعارى باسشىلىعىمەن، حالىقارالىق ءىرى كومپانيالاردىڭ جەتەكشىلەرىمەن ءبىرقاتار كەزدەسۋ وتكىزەدى جانە قازاقستان-سينگاپۋر بيزنەس فورۋمىنىڭ جۇمىسىنا قاتىسادى دەپ جوسپارلانىپ وتىر.
