مەملەكەت باسشىسى Siemens AG باسقارما ءتوراعاسىن قابىلدادى

مەملەكەت باسشىسى Siemens AG كومپانياسىنىڭ باسقارما ءتوراعاسى رولاند بۋشتى قابىلدادى، دەپ حابارلايدى اقوردانىڭ باسپا ءسوز قىزمەتى.

كەلىسسوز بارىسىندا ونەركاسىپ، ەنەرگەتيكا، ماشينا جاساۋ جانە سيفرلاندىرۋ سالالارىنداعى ءوزارا ىقپالداستىقتىڭ مۇمكىندىكتەرى جان- جاقتى تالقىلاندى.

Siemens AG كومپانياسى - كولىك، ەنەرگەتيكا، مەديتسينا قۇرال- جابدىقتارى، ەلەكتر جانە جارىق تەحنيكاسى ونىمدەرى مەن قىزمەتتەرىن ۇسىناتىن، سونداي- اق ونەركاسىپتىڭ ءتۇرلى سالاسىندا ارناۋلى قىزمەت كورسەتەتىن گەرمانيا جانە ەۋروپا وداعى اۋماعىنداعى ءىرى يندۋستريالىق كونگلومەرات.

قاسىم- جومارت توقايەۆ قازاقستان نارىعىنا العاش كەلگەن نەمىس كومپانيالارىنىڭ ءبىرى - Siemens ەلىمىزدىڭ تەحنولوگيالىق دامۋىنا ەلەۋلى ۇلەس قوسقانىن اتاپ ءوتتى. پرەزيدەنت Siemens AG كومپانياسىمەن ىنتىماقتاستىقتىڭ كەلەشەگى زور ەكەنىن ايتتى.

كەزدەسۋدە ديالوگتى جالعاستىرۋ جانە يننوۆاتسيالىق دامۋعا، ازاماتتاردىڭ ءال- اۋقاتىن ارتتىرۋعا ىقپال ەتەتىن بىرلەسكەن جوبالاردى ودان ءارى جۇزەگە اسىرۋ ماڭىزدى ەكەنى اتاپ ءوتىلدى.

***

پرەزيدەنت Bayer AG حالىقارالىق كونسەرنىنىڭ باسقارما مۇشەسىمەن كەزدەستى

Bayer AG كومپانياسىنىڭ باسقارما مۇشەسى، فارماتسيەۆتيكا باعىتىنىڭ باسشىسى شتەفان ولريحپەن كەزدەسۋ بارىسىندا دەنساۋلىق ساقتاۋ، ورنىقتى ەگىنشىلىك جانە عىلىمي زەرتتەۋلەر سالالارىنداعى ىنتىماقتاستىق پەرسپەكتيۆالارى تالقىلاندى، دەپ حابارلايى قازاقپارات اقوردانىڭ باسپا ءسوز قىزمەتىنە سىلتەمە جاساپ.

مەملەكەت باسشىسى Bayer كومپانياسىنىڭ زاماناۋي مەديتسينالىق ونىمدەرىنە قول جەتكىزۋگە، سونداي- اق زەرتحانالار اشۋعا جانە بىرلەسكەن عىلىمي- زەرتتەۋ جوبالارىن جۇزەگە اسىرۋعا قازاقستاننىڭ زور قىزىعۋشىلىق تانىتىپ وتىرعانىنا نازار اۋداردى.

Bayer AG - دەنساۋلىق ساقتاۋ جانە اۋىل شارۋاشىلىعى سالالارىنا ارنالعان مەديتسينالىق- بيولوگيالىق شەشىمدەر ازىرلەۋگە ماماندانعان حالىقارالىق كونتسەرن.

قاسىم- جومارت توقايەۆ قازاقستاننىڭ بيوتەحنولوگيالىق كلاستەردى دامىتۋ جۇمىستارىن بەلسەندى جۇرگىزىپ جاتقانىن اتاپ ءوتتى. سونداي- اق اتالعان باعىتتاردا ازىرلەمەلەر دايىنداپ، وندىرىسكە ەنگىزۋ ءۇشىن QazBioPharm ۇلتتىق بيوفارماتسيەۆتيكالىق حولدينگى قۇرىلعانى جونىندە ايتتى.

سونىمەن قاتار كەزدەسۋدە قازاقستانعا جاڭا دارىلىك زاتتار اكەلۋ راسىمدەرىن جەڭىلدەتۋ ءۇشىن ناقتى شارالار قابىلداۋ ماسەلەسى تالقىلاندى.

مەملەكەت باسشىسى ەلىمىزدىڭ اۋىل شارۋاشىلىعىندا قولدانىلاتىن تىڭايتقىشتار، پەستيتسيدتەر جانە باسقا دا بيوحيميالىق زاتتار ءوندىرۋ ءۇشىن كاسىپورىن اشۋ ايرىقشا ماڭىزعا يە ەكەنىنە نازار اۋداردى. پرەزيدەنتتىڭ پىكىرىنشە، سەلەكسيا، گەندىك ينجەنەريا سالالارىنداعى عىلىمي جانە ىسكەرلىك بايلانىستاردى دامىتۋعا مول الەۋەت بار.

**

گەرمانيانىڭ Siemens Energy كومپانياسى قازاقستاننىڭ ەلەكتر جەلىلەرىن جاڭعىرتۋعا اتسالىسپاق

قاسىم- جومارت توقايەۆ Siemens Energy كومپانياسىنىڭ باسقارما ءتوراعاسى كريستيان برۋحپەن كەزدەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

كەزدەسۋدە ەنەرگەتيكا سەكتورىنداعى ىنتىماقتاستىقتى ودان ءارى نىعايتۋ پەرسپەكتيۆاسى تالقىلاندى.

مەملەكەت باسشىسى اتالعان سەكتوردى ەكونوميكانىڭ ىرگەتاسى رەتىندە باعالاپ، قازاقستان ەنەرگەتيكانىڭ قاۋىپسىزدىگى مەن تاۋەلسىزدىگىنە قاتىستى ماسەلەلەرمەن بەلسەندى اينالىساتىنىن ايتتى.

سونىمەن قاتار كەزدەسۋ بارىسىندا قازاقستاننىڭ ەنەرگەتيكا مينيسترلىگى مەن Siemens Energy كومپانياسى اراسىندا قول قويىلعان ەنەرگەتيكا سالاسىنداعى ءوزارا تۇسىنىستىك تۋرالى مەموراندۋمنىڭ ماڭىزدىلىعى اتاپ ءوتىلدى. بۇل قۇجات كومپانيانىڭ ەلىمىزدەگى ەنەرگەتيكا جانە دەكاربونيزاتسيا سالالارىنداعى ءىرى ەنەرگەتيكالىق جوبالاردى جۇزەگە اسىرۋعا قاتىسۋ مۇمكىندىگىن كوزدەيدى.

قاسىم- جومارت توقايەۆ قازاقستاندا گازتۋربينالى ەلەكتروستانسيالار سالۋ ىنتىماقتاستىقتىڭ ماڭىزدى باعىتى ەكەنىنە نازار اۋداردى.

كومپانيا ەلەكتر قۋاتىن وندىرەتىن جوبالارعا (تۇركىستان بۋ- گاز قوندىرعىسى، الماتى جىلۋ ەلەكتر ورتالىعى) قۇرال- جابدىق جەتكىزۋگە دايىن.

سونىمەن قاتار كريستيان برۋح مەملەكەت باسشىسىنا Siemens Energy كومپانياسى قازاقستاننىڭ ەلەكتر جەلىلەرىن جاڭعىرتۋعا قاتىستى جوبا ازىرلەپ، ونى جۇزەگە اسىرۋعا نيەتتى ەكەنىن جەتكىزدى.

اۆتور

ايدار وسپاناليەۆ