مەملەكەت باسشىسى قازاقستانداعى يران ەلشىلىگىنە باردى
استانا. KAZINFORM - قاسىم-جومارت توقايەۆ استاناداعى يران يسلام رەسپۋبليكاسىنىڭ ەلشىلىگىنە بارىپ، پرەزيدەنت يبراحيم رايسي مەن ۇكىمەت دەلەگاتسياسى مۇشەلەرىنىڭ تىكۇشاق اپاتى سالدارىنان قازا تابۋىنا بايلانىستى يران حالقىنا كوڭىل ايتتى جانە قولداۋ ءبىلدىردى.
اقوردانىڭ باسپا ءسوز قىزمەتىنىڭ حابارلاۋىنشا، پرەزيدەنت كوڭىل ايتۋ كىتابىنا جازبا قالدىردى.
«يران يسلام رەسپۋبليكاسىنىڭ پرەزيدەنتى يبراحيم رايسيدىڭ جانە ۇكىمەت دەلەگاتسياسى مۇشەلەرىنىڭ مەزگىلسىز قازاسى تۋرالى قارالى حابار قابىرعامىزدى قايىستىردى. ءوز ۇلتىنىڭ ۇلى پەرزەنتى يبراحيم رايسي - وتانىنا ادال قىزمەت ەتكەن تۇعىرلى تۇلعا. ءبىز ونى پاراساتتى باسشى، بەدەلدى ساياساتكەر، ەكى ەلدىڭ ىنتىماقتاستىعىن نىعايتۋعا زور ەڭبەك سىڭىرگەن قايراتكەر رەتىندە ءاردايىم ەستە ساقتايمىز. قازاق حالقىنىڭ جانە ءوزىمنىڭ اتىمنان يراندىق باۋىرلارىمىزعا قايعىرىپ كوڭىل ايتامىن. مارقۇمداردىڭ يمانى سالامات، رۋحى پەيىشتە بولسىن!» - دەپ جازدى مەملەكەت باسشىسى.
اۆتور
ايدار وسپاناليەۆ
