08:40, 23 - شىلدە 2024 | GMT +6
مەملەكەت باسشىسى مىسىر پرەزيدەنتىنە قۇتتىقتاۋ جەدەلحاتىن جولدادى
استانا. KAZINFORM - قاسىم-جومارت توقايەۆ قازاقستان حالقىنىڭ جانە جەكە ءوزىنىڭ اتىنان ابدەل فاتتاح اس- سيسي مەن مىسىرلىقتاردى وسى ەلدىڭ ۇلتتىق مەيرامى - رەۆوليۋتسيا كۇنىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
- قازاقستان مەن مىسىر اراسىنداعى ورتاق رۋحاني قۇندىلىقتار مەن جان-جاقتى ءوزارا ىنتىماقتاستىققا نەگىزدەلگەن ءداستۇرلى قاتىناستاردىڭ ءورىسى كەڭەيگەنىن زور ريزاشىلىقپەن اتاپ وتەمىن. حالىقتارىمىزدىڭ يگىلىگى ءۇشىن ەكىجاقتى جانە كوپجاقتى فورماتتارداعى سەرىكتەستىگىمىز بولاشاقتا دا ءوزىنىڭ جالعاسىن تاۋىپ، قارقىندى دامي بەرەتىنىنە كامىل سەنەمىن، - دەپ جازىلعان جەدەلحاتتا.
قاسىم-جومارت توقايەۆ ابدەل فاتتاح اس-سيسيدىڭ جاۋاپتى قىزمەتىنە تولاعاي تابىس، ال باۋىرلاس مىسىر حالقىنا قۇت-بەرەكە تىلەدى.
