23:37, 27 - شىلدە 2024 | GMT +5
مەملەكەت باسشىسى ەلدوس سمەتوۆكە قوڭىراۋ شالدى
استانا. KAZINFORM - مەملەكەت باسشىسى قاسىم-جومارت توقايەۆ چەمپيوندى تەلەفون ارقىلى قۇتتىقتادى، دەپ حابارلايدى اقوردانىڭ باسپا ءسوز قىزمەتى.
- قازاقتىڭ رۋحىن، جالپى حالقىمىزدىڭ مىقتى مىنەزىن كورسەتتىڭ. ءبارىمىز سەنى ماقتان تۇتامىز. سوزىڭدە تۇردىڭ، تاماشا جەڭىسكە جەتتىڭ، ناعىز جىگىتسىڭ! سەن سياقتى جىگىتتەردىڭ ارقاسىندا تۋىمىز ءارقاشاندا اسقاقتاپ، جەلبىرەي بەرسىن. جاڭا جەڭىستەرگە جەتە بەر. ساعان جانە وتباسىڭا امانشىلىق تىلەيمىن. استانادا كەزدەسكەنشە! - دەدى پرەزيدەنت.
ايتا كەتەيىك، بۇگىن ەل سپورتىنىڭ تاريحىنداعى ايتۋلى وقيعا بولدى. قازاقستان قورجىنىنا العاش رەت دزيۋدودان وليمپيادا التىنى ءتۇستى. ءۇشىنشى مارتە ءتورتجىلدىقتىڭ باس دوداسىنا قاتىسقان ەلدوس سمەتوۆ فينالدا لۋكا محەيدزەمەن (فرانسيا) كۇرەسىپ، قارسىلاسىنان باسىم ءتۇستى.
