مەملەكەت باسشىسى جوعارى ەۋرازيالىق ەكونوميكالىق كەڭەستىڭ كەڭەيتىلگەن قۇرامداعى وتىرىسىنا قاتىستى
استانا. KAZINFORM - پرەزيدەنت قاسىم-جومارت توقايەۆ جوعارى ەۋرازيالىق ەكونوميكالىق كەڭەستىڭ (ج ە ە ك) كەڭەيتىلگەن قۇرامداعى وتىرىسىنا قاتىستى. بۇل تۋرالى اقوردا ءمالىم ەتتى.
سامميت جۇمىسىنا رەسەي پرەزيدەنتى ۆلاديمير پۋتين، ارمەنيا پرەمەر-ءمينيسترى نيكول پاشينيان (بەينەبايلانىس ارقىلى)، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، وزبەكستان پرەزيدەنتى شاۆكات ميرزيەۆ، يراننىڭ ونەركاسىپ، كەنىشتەر جانە ساۋدا ءمينيسترى موحامماد اتاباك، ەۋرازيالىق ەكونوميكالىق كوميسسيانىڭ ءتوراعاسى باقىتجان ساعىنتايەۆ قاتىسىپ، كۋبا پرەزيدەنتى ميگەل دياس-كانەل بەرمۋدەس بەينەۇندەۋ جولدادى.
جيىندا ەۋرازيالىق ەكونوميكالىق وداق قىزمەتى مەن ينتەگراتسيالىق ۇردىستەردى ودان ءارى دامىتۋدىڭ وزەكتى ماسەلەلەرى تالقىلاندى.
وتىرىس سوڭىندا جوعارى ەۋرازيالىق ەكونوميكالىق وداق ەلدەرىنىڭ دەلەگاتسيا باسشىلارى ءبىرقاتار قۇجاتقا قول قويدى.
بۇعان دەيىن حابارلانعانداي، پرەزيدەنت قاسىم-جومارت توقايەۆ جوعارى ەۋرازيالىق ەكونوميكالىق كەڭەستىڭ شاعىن قۇرامداعى وتىرىسىنا قاتىستى.
