18:54, 13 - قاڭتار 2025 | GMT +5
مەملەكەت باسشىسى بىرىككەن اراب امىرلىكتەرىنە جۇمىس ساپارىمەن باردى
استانا. KAZINFORM - پرەزيدەنت قاسىم-جومارت توقايەۆ «ابۋ دابيدىڭ ورنىقتى دامۋ اپتاسى» سامميتىنىڭ جۇمىسىنا قاتىسۋ ءۇشىن بىرىككەن اراب امىرلىكتەرىنە جۇمىس ساپارىمەن باردى.

قاسىم-جومارت توقايەۆتى ابۋ دابي اۋەجايىنان ب ا ءا ۆيتسە-پرەزيدەنتى شەيح مانسۇربەن زايد ءال ناحايان جانە باسقا دا رەسمي تۇلعالار كۇتىپ الدى.

مەملەكەت باسشىسى ب ا ءا پرەزيدەنتى شەيح مۇحاممەد بەن زايد ءال ناحايانمەن كەلىسسوز جۇرگىزەدى. سونداي-اق وسى ەلدىڭ ىسكەر توپتارى وكىلدەرىمەن ءبىرقاتار كەزدەسۋ وتكىزەدى.




ەسكە سالا كەتەيىك، بۇعان دەيىن پرەزيدەنتتىڭ اقپاراتقا قول جەتكىزۋگە قاتىستى زاڭعا قول قويعانىن جازعان ەدىك.