مەملەكەت باسشىسى برازيليا پرەزيدەنتىنە كوڭىل ايتۋ جەدەلحاتىن جولدادى
استانا. KAZINFORM - قاسىم-جومارت توقايەۆ برازيليانىڭ سان-پاۋلۋ شتاتىندا جولاۋشىلار ۇشاعى اپاتقا ۇشىراپ، سالدارىنان كوپتەگەن ادامنىڭ قازا تابۋىنا بايلانىستى پرەزيدەنت لۋيس يناسيۋ لۋلا دا سيلۆاعا كوڭىل ايتتى.
بۇل تۋرالى اقوردانىڭ باسپا ءسوز قىزمەتى ءمالىم ەتتى.
- وسىنداي اۋىر ساتتە قايعى-قاسىرەتتەرىڭىزگە ورتاقتاسىپ، قازاقستان حالقىنىڭ جانە جەكە ءوز اتىمنان سىزگە جانە جاقىندارىنان ايىرىلعان وتباسىلارعا، سونداي-اق دوستاس برازيليا حالقىنا كوڭىل ايتامىن، - دەپ جازىلعان جەدەلحاتتا.
ەسكە سالا كەتەيىك، كەشە برازيليانىڭ سان-پاۋلۋ قالاسىنا جاقىن جەردە Voepass كومپانياسىنىڭ جولاۋشىلار ۇشاعى اپاتقا ۇشىراعانىن جازعان بولاتىنبىز. كومپانيانىڭ حابارلاۋىنشا، ۇشاقتا 61 ادام بولعان. جەرگىلىكتى بيلىك جولاۋشىلار مەن ەكيپاج مۇشەلەرىنىڭ ەشقايسىسى ءتىرى قالماعانىن جاريالاعان ەدى.
