مەكتەپتەردە اقشا جيناۋ قايتا باستالدى ما - ۆيتسە- مينيستر جاۋابى
استانا. KAZINFORM - ءماجىلىس دەپۋتاتى رينات زايتوۆ ءماجىلىستىڭ جالپى وتىرىسىندا مەكتەپتەردە اتا-انالار مەن مۇعالىمدەردەن اقشا جيناپ جاتقانى تۋرالى شاعىم كوبەيىپ كەتكەنىن ايتتى.
«بىزگە وقۋ-اعارتۋ مينيسترلىگىنە قاتىستى قازاقستاننىڭ بالەنباي مەكتەبىندە اتا-انالاردان، مۇعالىمدەردەن اقشا جيناپ جاتقانى تۋرالى فاكتىلەر ايتىلىپ، بىرنەشە شاعىم ءتۇستى. مۇنداي اقشا جيناۋ قاي قاۋلىعا، قاي زاڭعا نەگىزدەلگەن؟» - دەپ سۇرادى دەپۋتات.
وقۋ-اعارتۋ ۆيتسە-ءمينيسترى ەدىل وسپان دەپۋتات بەرگەن ناقتى فاكتىلەر قۇقىق قورعاۋ ورگاندارىنا جولدانعانىن ايتتى.
«ەشقانداي زاڭدا، ەشقانداي قاۋلىدا مەكتەپتەردە اقشا جيناۋ ماسەلەسى قاراستىرىلماعان. بۇل - زاڭسىزدىق. ءسىزدىڭ بۇدان بۇرىن كوتەرگەن ماسەلەلەرىڭىز بويىنشا ءار فاكتىنى جۇمىس تارتىبىندە سىزدەن الدىق، ءتيىستى زاڭ ورىندارىنا جولدايمىز. ءوز تاراپىمىزدان دا وسىنداي جايتتار ءمالىم بولسا، بىردەن قۇزىرەتتى ورگاندارعا جولداپ وتىرامىز»، - دەدى ەدىل وسپان.
اۆتور
ەسىمجان ناقتىباي
